Xatırladırıq ki, O, 1956-cı ildə Cəbrayıl rayonunun Quycaq kəndində anadan olub. Rafiq müəllim, yurd itkisinə məruz qalan insan kimi, yaradıcı şəxs olaraq bu ağrıları hər zaman yaşayıb.

Bugünkü söhbətimizdə Rafiq müəllim, Ermənistanın Azərbaycana təcavüzündən, ermənilərin mina soyqırımından və digər məqamlardan danışıb:

-Azərbaycanın işğaldan azad olunmuş Kəlbəcər rayonunda ikisi media əməkdaşı olmaqla, üç nəfər mülki şəxsin həlak olması və bir neçə mülki şəxsin yaralanması ilə nəticələnən ən son mina partlayışı Azərbaycan cəmiyyətində həddindən artıq narahatlıq yaradıb. Bu törədilən cinayət birbaşa beynəlxalq humanitar hüququn açıq şəkildə pozulmasıdır. Düşünürəm ki, günahkarlar dərhal ədalət mühakiməsinə cəlb olunmalıdır.Təəssüf hissi ilə qeyd edirəm ki, beynəlxalq təşkilatların susması beynəlxalq hüququn effektivliyini şübhə altına alır və insan hüquqlarının davamlı olaraq pozulmasına şərait yaradır. Bu minalar həmin əraziləri ziyarət etmək istəyən hər bir şəxs üçün böyük təhlükə mənbəyidir. Azərbaycanda ötən yeddi ay ərzində 140-dan çox insan minaya düşmüş, 27 mülki şəxs mina partlaması nəticəsində həlak olmuşdur. Bu cinayətə görə Ermənistanın siyasi və hərbi rəhbərliyi məsuliyyət daşıyır. Dünyada insan hüquqlarının təminatçısı olduğunu iddia edən beynəlxalq təşkilatlar növbəti itkilərin qarşısını almaq məqsədilə mina xəritələrini Azərbaycana təqdim edilməsi üçün Ermənistana qarşı təzyiqləri artırmalıdırlar.

-Müharibə bitsə derməni təxribatə heç zaman bitməyəcək. Belə vəhşi toplumla daha nələri etmək gərəkdir?

-Heç bir azərbaycanlı belə dəhşətli mənzələrə etinasız yanaşa bilməz. O cümlədən yaradıcı insanlar da belə ağrılı mənzərələrə biganə qala bilməzlər. Müharibə bitib. Ancaq təxribatlar davam edir. Mənim qənaətimcə, ermənilərin mina terroru cavabsız qalmamalıdır. Bu vəhşi qəbilənin əməlləri, terrorçuluğa hər zaman meylli olmaları göz qabağındadır. Erməni vəhşiliyini dayandırmaq üçün Dəmir Yumruq daim düşmənin başının üstündə olmalıdır. Niyə görə Ermənistan mina xəritələırini Azərbaycan tərəfinə vermir? Bu gün didərgin düşmüş Azərbaycan vətəndaşların işğaldan azad olunmuş öz torpaqlarına qayıdışını ləngitmək üçün və digər çirkli məqsədlər naminə ermənilər mina terrorunu davam etdirirlər. Bütün ictimaiyyət, beynəlxalq aləm bu məsələ də susmamalıdır. Hər kəs haqqı müdafiə etməli, erməni vəhşiliyinə qarşı öz hiddətini bildirməlidir. Ermənilərin mina soyqırımı yalnız Azərbaycanın əleyhinə deyil. Bu, ünumilikdə insanlıq əleyhinə davam edən vəhşilikdir. Mən yaradıcı insan kimi, erməni vəhşiliyinə hiddətimi bildirirəm.

Fact-info.az