Lakin bizim 44 günlük müharibədə qazandığımız qələbə ilə bağlı bu Hərbi Qənimətlər Parkı isə öz unikallığı ilə fərqlənir. Məsələ burasındadır ki, Ali Baş Komandanımız, hörmətli İlham Əliyevin fərmanıyla yaradılmış bu parkdakı eksponatların mənası sırf bundan ibarətdir ki, yəni biz öz torpaqlarımızı düşmənlərdən azad etmişik. Yəni müharibə bizim işğal olunmuş torpaqlarımızda getmişdir.

Yəni işğalçıları öz torpaqlarımızdan qovmuşuq. Müharibə üçüncü, digər bir dövlətin ərazisində getməmişdir. Burada məhv edilmiş erməni tankları, əsgərləri bizim doğma torpaqlarımızda məhv edilib. Bu görüntülərdə bizim işğaldan azad olunmuş torpaqlarımızda olan görüntülərdir. Unikallığı da ondan ibarətdir ki. həqiqətən də bu park bizim gələcək nəsillərə bir qəhrəmanlıq, vətənpərvərlik nümunəsidir. Onların işğalçıalra, düşmənlərə qarşı qəzəb ruhunda böyüməsi, torpağın bir qarışının verilməməsi və s. barədəçox önəmli bir eksponatlardır.

Çox önəmli bir parkdır. Dünyanın digər ölkələrində yaşayan azərbaycanlılar üçün də gözəl bir yerdir. Onlarda gəlib buranı ziyarət edəcəklər. Həqiqətəndə Azərbaycan xalqının böyüklüyünü, vətənpərvərliyini, qəhrəmanlığını burda əyani şəkildə görəcəklər. Hesab edirəm ki, bu həm də ermənilərə bir göstəricidir, sərgidir. İndiki dövrdə biz bilirik ki, bəzi erməni millətçiləri revanşist ideyalarla yaşayırlar. Bu onlara da bir xəbərdarlıqdır. Qoy bilsinlər ki, istənilən işğalçılıq siyasəti, istənilən revanşizmin axırı bu cür olacaq.

Hesab edirəm ki, bu çox dəyərli, qiymətli və zamanında yaradılmış bir parkdır. Rusiyada da görmüşük ki, 2-ci Dünya Müharibəsinə aid yaradılmış park var. Amma bu səpkidə açıq havada deyil. Onlarda daha çox elektron daşıyıcılarda, kompüterlərdə belə şeyləri göstərirlər. Bizdə real döyüş səhnələri əyani şəkildə nümayiş etdirilir. Tankı özü, maket deyil, realdır. Düzdür erməni əsgərlərinin maketi var. Amma bir çox eksponatlar təbiidir. Birdaşa döyüş zonasından gətirilmiş qənimətlərdir, yəni maket deyil. Həqiqi tanklar, kaskalar, hərbi maşınlardır. Ona görə hesab edirəm ki, unikal parkdır.

Mehdi Cəlalzadə

Azərbaycan Respublikası Vəkillər Kollegiyasının üzvü, vəkil