Fact-info.az xəbər verir ki, bunu BMT-nin sivilizasiyalar alyansının ali nümayəndəsi  Nəsir Əbdüləziz BMT Sivilizasiyalar Alyansının 7-ci qlobal forumu çərçivəsində Bakıda keçirilən  Gənclər forumunda deyib. O qeyd edib ki, inklüziv cəmiyyət gənclər olmadan formalaşa bilməz: "Gənclər dəyişikliyin əsas iştirakçılarıdır. Biz əmin olmalıyıq ki, gənclərə dünyanı dəyişmək şansı yaratmışıq. Gənclərin qətiyyətli öhdəliyi olmasa davamlı inkişaf mümkün olmaz. Ona görə də sizi bu foruma dəvət etmişik". 

Daha sonra çıxış edən Heydər Əliyev Fondunun vitse prezidenti Leyla Əliyeva qeyd edib ki, bu forum dünya miqyasında anlaşmanın formalaşmasında böyük rol oynayıb.  O Azərbaycanın unikal coğrafi məkanı, meşələr, çəmənlərlə zəngin olduğunu deyib. 

"BMT FAOnun xoş məramlı səfiri olaraq deyə bilərəm ki, bu təşkilat dünyanın aclığın qarşısını almağa çalışır. Çalışır ki, heç bir uşaq acından ölməsin. Qida təhlükəsizliyinin təmin edilməsi həddən ziyadə vacibdir. Mən istərdim ki, son 5 ildəki ideya kampaniyalardan danışım. Biz ağacların kəsilməsinin qarşısını almışıq və yeni ağacların əkilməsi kampaniyasını təşkil etmişik.Nüfuzlu beynəlxalq təşkilatlarla əməkdaşlıq etməyə çalışmışıq. Çalışmışıq ki, bu fəaliyyət darıxdırıcı olmasın. Biz 2015-ci ildə Londonda sərgi keçirdik. Biz bəzi nəsli kəsilməkdə olan heyvanların xüsusilə mənim üçün əhəmiyyəti olan Qafqaz bəbirinin nəsli kəsilməsinin qarşısını almağa çalışmışıq. Biz elə bir zamana çata bilərik ķi, heyvanların nəsli kəsilsin. Bu baxımdan konfrasımız əhəmiyyətlidir. Artıq fəaliyyət vaxtı çatıb".

Daha sonra çıxış edən gənclər və idman naziri Azad Rəhimov qeyd edib ki, artıq bəzi gənclərin ekstremistlərlə üzləşdiyini görürük: "Bu gün dünyada zorakı ekstremizm artmaqdadır. Təəssüf ki, qadınların zorakı ekstremizmə məruz qalması ilə bağlı xəbər başlıqları görürük. Həmçinin indi gənc xanımlar oğurlanır və onlara qarşı zorakılıq edilir".

Nazir bildirib ki, Azərbaycan da ərazi bütövlüyü baxımından zorakılığa məruz qalıb. 20 % torpağı işğal edilib. O forum iştirakçılarına müraciət edərək bildirib: "Ümid edirəm ki, bu 3 gün ərzində  sülhün bərqərar olması üçün mümkün yolları müzakirə edəcəksiniz. Bakının qədim və zəngin tarixi ilə tanış olacaqsınız".