Vətən müharibəsində əldə olunan qələbəmiz sayəsində 30 ilə yaxındır ki, davam edən Dağlıq Qarabağ münaqişəsinə son qoyuldu. Ölkəmizdə təmin edilən xalq-iqtidar birliyi, cəmiyyətin bütün kəsimlərinin ümummilli məsələmiz ətrafında səfərbər olması, siyasi palitranın birmənalı şəkildə cənab İlham Əliyevi dəstəkləməsi və şanlı Azərbaycan Ordusunun rəşadəti doğma yurdlarımıza qovuşmağımızı təmin etdi”.

Bu fikirləri Beynəlxalq Münasibətlərin Araşdırılması Mərkəzinin rəhbəri Rufiz Qonaqov deyib.

Onun sözlərinə görə, bütün dünya Azərbaycanın gücünü, qətiyyətini və iradəsini gördü. “Bu, ilk növbədə, bölgədə yeni siyasi-iqtisadi mühit formalaşdırdı. Azərbaycan dövləti Cənubi Qafqazda lider olduğunu açıq nümayiş etdirdi. Prezident İlham Əliyevin prinsipial mövqeyi bir daha onu göstərdi ki, Azərbaycan həm güclü dövlətdir, həm də ölkəmizin güclü lideri var. Azərbaycan bundan sonra artıq diktə edən tərəf, ərazi bütövlüyünü təmin etmiş bir dövlətdir. Eyni zamanda, ölkəmiz BMT-nin uzun illərdir ki, kağız üzərində qalan qətnamələrinin icrasına nail oldu”, - deyə R.Qonaqov əlavə edib.