O qeyd edib ki, ordumuz erməni işğalçılarına layiqli cavab verir:  “Torpaqlarımızın işğaldan tam azad olunacağı və daha böyük qələbə qazanacağımız gün uzaqda deyil. Xalqımız, biz hamımız Ali Baş Komandanın və ordumuzun yanındayıq və Azərbaycan xalqı bütün dünyaya göstərdi ki, torpaqlarının işğaldan azad edilməsi üçün bütün ordusunun yanındadır".
“Şəhidlərimizin ruhu qarşısında baş əyirik” deyən Qənirə Paşayeva bir şəhid anasının ona söylədiyi fikirləri səsləndirib:
"Şəhid anası bildirdi ki, oğlum hər zaman deyərdi ki, “şəhid olsam, ağlamayın. Biz torpaqlarımızı işğaldan azad etməliyik və bunun üçün şəhid olmaq şərəfdir. Təki Vətən sağ olsun”. Belə dəyərli övladlar yetişdirən bütün şəhid ailələrimizlə qürur duyuruq”. 
Qənirə Paşayeva deputatları maaşlarının bir hissəsini Silahlı Qüvvələrinə Yardım Fonduna köçürməyi təklif edib, özü də bu addımı atacağını bildirib. Deputat hər kəsi bu təklifi dəstəkləməyə çağırıb. 
Millət vəkili Qənirə Paşayeva dünyada yaşayan və fəaliyyət göstərən diasporumuza müraciət edib və onları Ermənistanın, erməni diasporu və lobbisinin və arxasında duran güclərin Azərbaycan əleyhinə təbliğatlarına, kampaniyalarına qarşı ciddi mübarizəyə çağırıb. 
Qənirə Paşayeva dünyanın hər yerindəki Azərbaycan gəncliyini informasiya müharibəsində qələbə qazana bilməyimiz üçün erməni yalanlarına qarşı mübarizədə sosial şəbəkələrdə aktiv olmağa çağırıb.