“Vəfa” Sosial Problemlərin Həllinə Dəstək İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi “Postpandemiya dövrünə adaptasiya və gigiyenik qaydalara əməl olunmasının vacibliyi” layihəsi çərçivəsində “Virusdan qorunmaq əlimizdədir!” adlı maarifləndirici buklet çap edib.

Məlumat üçün qeyd edək ki, layihə koronavirus (Covid-19) pandemiyası dövründə əhalinin maarifləndiirlməsinə yönəlik formatda həyata keçiriləcək. Təşkilatın sədri, eyni zamanda həyata keçirilən layihənin rəhbəri Fatma Hacıyeva qeyd edib ki, qarşıda duran vacib məsələlərdən biri də koronavirus (Covid-19) virusu ilə mübarizədir və icrası nəzərdə tutulmuş layihənin başlıca məqsədi də Postpandemiya dövründə insanları düzgün şəkildə maarifləndirmək və gigiyenik qaydalara əməl olunmasının vacibliyini çatdırmaqdır.