Tədbiri Qeyri Hökumət Təşkilatının adından ASİMDAR təşkilatının sədri Göksel Gulbey açıq elan etdi. Sonra hər iki qardaş dövlətin himni səsləndirildi və şəhidlərin xatirəsinə İqdır şəhər axundu tərəfindən Quran və dualar oxundu. Tədbirdə Şəhər,Bələdiyyə, Huquq muhafizə orqanlarinin rəhbərləri, Qars Baş Konsulunun kökməkçisi Tural Həsənova, Behbud Gedalı, Professor Aygun Attar xanim iştirak edirdilər.

ASİMDAR teşkilatının sədri Göksel Gulbeyin dəvəti ilə İğdira gəlmiş Yeni Yurd Sosial İnkişaf İctimai birliyinin üzvü Dilbər xanım Sultanova, Xocalı Rayon mərkəzi xəstəxanasının baş həkimi, Qarabağ qazisi, Xocalı Soyqırımının canlı şahidi Aqil Məmmədov iştirak etdilər. İqdir şəhər əhalisinin, QHT-larinin, məktəb şagirdlərinin iştirakı ilə keçirilən tədbir, İqdır şəhər mərkəzinde yerləşen Heydər Əliyev adina parkın,yaxınlığında yerləşən Zibeydə Xanım meydaninda Xocalı və İğdır şəhidlərinin xatirəsinə rəsm sərgisi ilə davam etdirildi. Tədbirdə söz alan Qars Baş Konsulunun köməkçisi Tural Həsənov və Xocali Soyqırımının şahidi Aqil Məmmədov,26 Fevral 1992 çi ildə Xocalida erməni və rus birləşmələri tərəfindən törədilən bu vəhşilikdən, ağır cinayətdən danışdılar. Faciə zamanı qətlə yetirilən şəhidlər anılaraq dualar oxundu. Tədbir iştirakçıları Xocalı soyqərımına dünyanı biganə qalmamağa çağırdılar.