Fact-info.az AZƏRTAC-a istinadən xəbər verir ki, oxucu kütləsinin geniş olduğu jurnaldakı məqalədə səfir tərəfindən sivilizasiyaların kəsişməsində yerləşən, etnik və dini müxtəliflik ilə zəngin olan və mədəniyyətlərarası dialoqun təşviq edilməsində xüsusi rol oynayan ölkəmiz haqqında ümumi məlumat verilir, müsəlman dünyasında ilk demokratik respublika olan Azərbaycan Xalq Cümhuriyyətinə və Sovet İttifaqının süqutundan sonra müstəqilliyimizin bərpasına, habelə Ermənistanın silahlı təcavüzünün nəticəsində yaranmış vəziyyətə qısaca nəzər salınır.

Müstəqilliyimizin ilk illərində üzləşdiyimz çətinliklərə baxmayaraq ümummilli lider Heydər Əliyevin rəhbərliyi altında həyata keçirilən siyasətin nəticəsində ölkəmizin əldə etdiyi nailiyyətlərdən, beynəlxalq münasibətlər sistemində qazandığı özünəməxsus vacib mövqedən və Cənubi Qafqaz regionunun inkişafına müsbət təsirindən bəhs edilir. Bu kontekstdə, Şərqlə Qərb arasındakı əlaqəliliyin inkişafı, beynəlxalq infrastruktur layihələrinin gerçəkləşdirilməsi, regional iqtisadi və enerji layihələrininin həyata keçirilməsinə Azərbaycanın töhfəsinə diqqət çəkilir.

ATƏT-in Minsk qrupunun vasitəçiliyi ilə Ermənistanla 30 il ərzində aparılmış sülh danışıqlarının heç bir nəticə verməməsi, Ermənistanın Azərbaycana qarşı yeni ərazi iddialarına əsaslanan təcavüzkarlıq siyasətinin növbəti müharibəyə gətirib çıxarması vurğulanaraq, bu müharibənin nəticəsində Prezident İlham Əliyevə istinadən Azərbaycanın BMT Təhlükəsizlik Şurasının müvafiq qətnamələrinin icrasını təmin edərək öz ərazi bütövlüyünü bərpa etdiyi və bununla da Ermənistan-Azərbaycan münaqişəsinin tarixə qovuşduğu, iki ölkə arasında sülh sazişinin bağlanması istiqamətində iş aparılması və regional əməkdaşlığın inkişafı üçün yeni fürsətlərin yarandığı barədə məlumat verilir.