Fact-info.az xəbər verir ki, tədbirdə millət vəkilləri, Xocalı sakinləri, ictimaiyyət və media nümayəndələri iştirak edib.

Tədbirdə çıxış edən millət vəkili Qənirə Paşayeva bildirib ki, Xocalı soyqırımı dünyanın harasında yaşamasından asılı olmayaraq hər bir azərbaycanlının böyük ağrısıdır: “Bu kitab bir Azərbaycan qadının deyil, bütün əsirlikdə olan qadınların harayıdır. Bizi ağrıdan ən böyük məsələlərdən biri də bu soyqırımı törədənlərin hələ də cavabsız qalmasıdır. İllərdir köçkün həyatı yaşayan insanların ağrısı ən böyük acımızdır. Ona görə də Xocalı hadisəsini daha da yaymamalıyıq. Hamımız “Xocalıya ədalət” kompaniyasının biz üzvüyük. Çünki bu kampaniyanın məqsədi dünyanın hər yerində ermənilərin iç üzünü görmək, tarixdə törətdikləri cinayətləri dünyaya daha çox çatdırmaqdır. Bu kitab əslində bütün xocalıların yaşadığını özündə əks etdirir. Kitabın müəllifi Dürdanə xanıma cəsarəti üçün təşəkkür edirik”.

Millət vəkili, yazıçı Aqil Abbas isə əlavə edib ki, bu kitab üçün çox əziyyət çəkilib: “Əsirlikdə olmağı sadəcə onu yaşayan bilər. Mən əsrlərlə çox söhbət edib, o vəziyyətlər haqqında məlumat əldə etmişəm. Çox ağrılı bir şeydir. Kitabı ərsəyə gətirənlərə təşəkkür edirəm”.

Daha sonra tədbir digər çıxışlarla davam etdirilib.