Azərbaycan, türk, rus, ingilis dillərində olan yerli və xarici iqtisadi ədəbiyyatlarla, romanlarla, dedektiv janrında yazılmış nəşrlərlə tanış olmaq, kitab hədiyyəsi əldə etmək və 20% endirimlə ən çox arzuladığınız nəşri almaq mümkün olacaqdır.

Gənc ailələr, valideyinlər üçün maraqlı olan Türkiyənin məşhur Mebel brendi də Sərgi iştirakçılarının ən çox ziyarət edəcəkləri bölmə olacaqdır. Burada onlar mebelləri yoxlamaq, onda dincəlmək və qısa müddətliyinə istifadə etmək imkanı əldə edəcəklər.

Mühasiblərin ən çox maraqla gözlədiyi Dövlət İmtahan Mərkəzinin keçirdiyi “Peşəkar Mühasib” SERTİFİKAT imtahanı üzrə təhsil proqramları, ACCA, DipİFR, CİMA Beynəlxalq proqramlar üzrə oxumaq və imtahan vermə yolları barəsində birbaşa tanış olmaq mümkün olacaqdır.

Abituriyentlərimizin ixtisas seçimi dövründə Sərgidə Azərbaycan Dövlət İqtisadi Universiteti, Bakı Mühəndislik Universiteti, Xəzər Universiteti özlərinin iqtisadiyyat, idarəetmə, mühasibat uçotu və s. ixtisaslar üzrə bakalavr, magistr və beynəlxalq təhsil proqramlarını təqdim edəcəklər. Bir-birindən peşəkar Proqram təminatı məhsulları isə bütün iştirakçıların, mühasiblərin daha çox marağına səbəb olacaqdır.

Burada mühasibat uçotunu aparmaq üçün təqdim olunan proqramlarla birbaşa tanış olub onları yerindəcə yoxlamaq və çox sərfəli şərtlərlə əldə etmək imkanı yaranacaqdır.

Daha bunun kimi bir sıra maraqlı mənzərələr Sərgi işirakçılarını gözləyir. Qeyd edək ki, sərgi 12 İyun 2019-cu il, saat 11:00-dan 17:00-a kimi Dənizkənarı Bulvar Parkında yerləşən Bakı Biznes Mərkəzində keçiriləcəkdir. Sərgidə hamı iştirak edə bilər.