Azərbaycan Respublikası Prezidenti yanında Bilik Fondunun lektorlar qrupunun üzvü, Rusiyanın tanınmış tarixçisi, siyasi xadim Oleq Kuznetsovun Xocalı faciəsinin soyqırım cinayəti kimi tanınması ilə bağlı Rusiya Dövlət Dumasının üzvlərinə ünvanlandığı petisiyanın təqdimatı Gəncədəki ali təhsil məktəblərində keçirilib.
Bilik Fondunun dəstəyi ilə keçirilmiş təqdimat mərasimində Gəncə şəhər İcra Hakimiyyətinin nümayəndələri, Gəncə Dövlət Universitetinin (GDU) humanitar məsələlər üzrə prorektoru Gülsüm Fətəliyeva, Bilik Fondunun əməkdaşları Elvin Hətəmov və İslam İslamzadə iştirak ediblər.
Tədbiri giriş sözü ilə açan GDU -nun prorektoru G.Fətəliyeva erməni terrorizmini, xalqımıza qarşı törədilən cinayətləri dolğun və həqiqətlərə uyğun şəkildə göstərdiyinə görə, O. Kuznetsova təşəkkürünü bildirib.
O.Kuznetsov uzun müddət Ermənistan-Azərbaycan, Dağlıq Qarabağ münaqişəsinin yaranma səbəblərini, erməni terrorizminin mahiyyətini və Azərbaycanın dinc əhalisinə qarşı törədilən cinayətləri tədqiq etdiyini söyləyərək, Xocalı soyqırımının Rusiya Dumasında tanınmasından ötrü Gəncə ictimaiyyətini https//www.cvhange.org saytında yaradılmış petisiyaya qoşulmağa çağırıb. Bilik Fonunun əməkdaşları petisiyada səs verməyin qaydasını izah ediblər.
Gəncə Dövlət Universitetinin müəllim və tələbə kollektivi çıxış edərək erməni terroru haqqında həqiqətləri dünya ictimaiyyətinə çatdırdığına görə O. Kuznetsova minnətdarlığını bidirərək, hamılıqla bu aksiyaya qoşulacaqlarına söz veriblər.
200 000 səsin toplanması lazım olan petisiyanın təqdimat mərasimi Gəncə Dövlət Universiteti, Azərbaycan Dövlət Aqraq Universiteti və Azərbaycan Texnologiya Universiteti ilə yanaşı Şəmkir və Mingəçevir şəhərlərində keçiriləcək.
Səsvermədə iştirak etmək üçün https//www.cvhange.org saytına daxil olaraq axtarış yerinə "Олег Кузнецов" yazmaq lazımdır. Xocalı faciəsinin soyqırım cinayəti kimi tanınması ilə bağlı petisiyaya daxil olduqdan sonra ad, soyad, email ünvan, ölkə, şəhər və şərh yerini dolduraraq, imzalamaq düyməsinə basmaq vacibdir. Səs verdikdən sonra nəticənin şəklini çəkib, XOCALİ-PETİSİYA@MAİL.RU ünvanına göndərmək lazımdır.
Baxış sayı: 1 627
Recep Tayyip Erdoğan: We will never forget the pain of the Khojaly tragedy
Commemorative event on the 33rd anniversary of the Khojaly genocide held at Presidential Library
Shehbaz Sharif: Our friendship, political understanding, union of thought and action with Azerbaijan at international levels have been legendary
Trial of persons charged with numerous crimes against the Azerbaijani people continues
President: The entire Karabakh region and the East Zangezur region are reviving, and we see this clearly every day