Avropa İttifaqı (Aİ) Ukraynaya Rusiyanın dondurulmuş aktivlərindən əldə edilən gəlirlər hesabına daha 1 milyard avro vəsait verib.
Bu barədə ölkənin Baş naziri Denis Şmıqal bildirib.
“Ukrayna Rusiyanın dondurulmuş aktivlərindən əldə edilən mənfəət hesabına Aİ-dən 1 milyard avro alıb. İlin əvvəlindən Ukrayna dondurulmuş Rusiya fondlarından artıq 18,5 milyard dollardan çox vəsait əldə edib”, - hökumət rəhbəri söyləyib.
2024-cü ilin oktyabrında Yeddilik Qrupu (G7) ölkələrinin liderləri Kiyevə 50 milyard dollarlıq kreditin təfərrüatları ilə bağlı razılığa gəldiklərini açıqlayıblar. Qeyd olunub ki, kreditlər "G7 ölkələrinin hüquq sistemləri və beynəlxalq hüquq çərçivəsində dondurulmuş Rusiyanın suveren aktivlərindən gələcək gəlirlər hesabına təmin ediləcək. Bildirilib ki, ABŞ Ukraynaya 20 milyard dollar ayırmağı öhdəsinə götürüb, qalan 30 milyard dollar isə G7 və Aİ-nin birgə səyləri ilə təmin olunacaq.
Avropa İttifaqı, Kanada, ABŞ və Yaponiya xüsusi hərbi əməliyyata başlayandan sonra Rusiyanın təxminən 300 milyard dollarlıq aktivlərini dondurub. Bunların təxminən 5-6 milyard dolları ABŞ-da, böyük hissəsi isə Avropada, o cümlədən Belçikada 210 milyard dolların saxlandığı beynəlxalq Euroclear platformasındadır.
Baxış sayı: 125
Event marks 150th anniversary of Azerbaijan’s national press
U.S. Department of State: United States supports those efforts to promote peace and stability in South Caucasus
Khojaly genocide victim: I was able to retrieve my sister's body three days later, my brother is still missing
Heads of diplomatic service bodies tour Shusha city
Shaki hosts 14th Silk Road International Music Festival