İqtisadi Əməkdaşlıq Təşkilatını (ECO) Xankəndidə keçirilən 17-ci Zirvə görüşü Özbəkistan mətbuatında geniş yer alıb.

Fact-info.az xəbər verir ki, Özbəkistanın UZA Milli xəbər agentliyi ilə yanaşı, Gazeta.uz, “Özbəkistan xəbərləri” (upl.uz), “Uzdaily”, “Uznews”, “İşgüzar Özbəkistan” və digər internet resurslarında hər iki ölkənin prezidenti arasında yaranan dostluq münasibətləri, ikitərəfli əlaqələrin inkişafı və beynəlxalq əhəmiyyətə malik olan birgə layihələrin həyata keçirilməsini əhatəli işıqlandırıblar.

Materiallarda iyulun 1-də Azərbaycan, Özbəkistan və Qazaxıstan arasında “Green Corridor Union” birgə şirkətin yaradılması da nəzərə çatdırılıb. Qeyd olunub ki, bu layihə Avropaya yaşıl enerji ixrac etmək üçün yaradılıb. Hər 3 ölkənin geniş alternativ enerji əldə etmək potensialı var və ölkələr bu potensialdan birlikdə istifadə etmək niyyətindədilər.

Vurğulanıb ki, Azərbaycan ilə Özbəkistan arasındakı münasibətlər ECO üzvləri üçün nümunədir. Azərbaycan ECO həftəsi keçirməklə təşkilatın daha sıx iqtisadi və siyasi inteqrasiyasını təmin edib. Mərkəzi Asiya respublikalarının iqtisadi, nəqliyyat, tranzit imkanları və coğrafi mövqeyi ECO-nun daha səmərəli regional qurum olmasını şərtləndirir. Özbəkistan üzv dövlətlər ilə həmişə, yeni texnologiyalar, innovasiyalar sahələrinə daha dərin əməkdaşlıq əlaqələri qurmaqda maraqlı olub.