Orta Dəhlizdə fəal iştirak Azərbaycanın regional ticarət və tranzit qovşağı kimi mövqeyini gücləndirməklə yanaşı, həm də ölkəni Asiya və Avropa üçün strateji tərəfdaş kimi mövqeləndirir.

Fact-info.az xəbər verir ki, bu barədə Dünya Bankının hesabatında bildirilib. Qeyd edilib ki, düzgün siyasətlər həyata keçirilərsə və zəruri sərmayələr qoyularsa, 2030-cu ilədək Azərbaycan, Gürcüstan və Qazaxıstan arasında ticarət 37%, bu ölkələrlə Avropa İttifaqı arasında ticarət 28% arta bilər.

DB hesab edir ki, Orta dəhliz üzrə təkmilləşdirmələr həyata keçirilməzsə, daşıma tələbatı proqnozlaşdırılan artımdan 35 faiz aşağı olacaq. Avropa ilə Qazaxıstan və Avropa ilə Çin arasında ticarət Orta Dəhliz boyunca tranzit yüklərin həcminin ən böyük hissəsini təşkil edəcək. Orta dəhliz üzrə ən böyük həcmdə artım Çin və Avropa arasındakı ticarətdə gözlənilir. 2030-cu ilə qədər dəhliz vasitəsilə Çin və Avropa arasındakı ticarət 5,3%-ə qədər artacaq. Bu isə AB-Çin ticarətinin təxminən 1 faizi həcmindədir.

Həmçinin qeyd edilib ki, 2030-cu ildə Xəzər dənizi vasitəsilə Orta Dəhliz ölkələrinin ticarəti 60%-dən çox olacaq. 2021-ci ildə bu rəqəm 40% təşkil edib.