Müşahidələrə görə,  Avropa məkanında, əhalisi Azərbaycandan da xeyli çox olan ölkələrdə heç bu qədər  yol-nəqliyyat hadisələri baş vermir. Təəssüfki,  bizim yollarımızda bu qəzalar  davam etməkdədir. Bunun kifayət qədər səbəbləri var. Mütəmadi olaraq,həmin səbəblər  göstərilir.Ancaq bir vacib məqam odur ki, bu hadisələrdən heç kim sığırtalanmayıb.

Bu  günn paytaxtımızdakı  sıxlıq, yol-nəqlyyat qəzaları,  və digər problemlər əslində hər birimizi düşündürməlidir.  Şübhəsiz ki,  Dövlət Yol Polisinin müxtəlif media qurumları vasitəsilə apardığı təbliğat işləri, bu sahədə  qanunlarda dəyişikliklər, cəzaların sərtləşməsi və digər addımlar atılır.  Bunun özünün də müsbət tərəfləri var.  Lakin bu sahədə davamlı islahatlara ehtiyac var.

Bu islahatlar nədən ibarət ola bilər?

Birincisi, sürücülük vəsiqələrinin verilməsi DİM-ə tapşırılmalıdır. Çünki bir çox problemlər ondan başlayır ki, sürücülər yol hərəkəti nişanları haqqında məlumatı  olmur.Ümumilikdə sürücülük vəsiqələrinin verilməsin ciddi qüsurlar qalmaqdadır.

İkincisi,  bu sahədə maarifçilik daha da sürətlənməli və  bu məqsədlə sosial reklam çarxlarının  çəkilişi aparılmalıdır. Bu sosial və maarifləndirici xarakterli reklam rolikləri telekanallarla bərabər internet resursları vasitəsilə mütəmadi yayımı faydalı olar.

Üçüncüsü,  avtomobil idarə edərkən yol hərəkənin tələblərinə, mövcud qanunlara əməl etməyən və hər an qəza şəraiti yaradan  bəzi imkanlı şəxslərin övladları barəsində daha ciddi tədbirlər görülməlidir.  Birbaşa həmin imkanlı şəxslərə qarşı  öz övladlarına görə, ictimai qınaqla bərabər sərt hüquqi məsuliyyət müyyənləşməlidir.  Bir sözlə qanuna qarşı  heç kim harınlıq, hörmətsizlik etməməlidir. 

Dördüncüsü,  avtomobil yollarında mövcud olan müxtəlif tipli radar sisteminin mütəmadi yerlərinin dəyişdirilməsinə ehtiyac var. Çünki radar müşahidə sisteminin  mövcud olduğu ərazilərdə sürücülər daha məsuliyyətli avtomobil idarə edirlər. Digər məkanlarda isə öz bildikləri kimi  maşınlarını sürürlər. Bunu təsdiqləyən kifayət qədər faktlar var. 

Nəhayət daha innovativ mexanizmlər tapılmalıdır. Yalnız təbliğat aparmaqla və yaxud gecə gündüz cərimə yazmaqla problemi həll etmək çətin məsələdir. Ona görə, bu işə kompleks yanaşıb daha məqbul mexanizmlər üzərində düşünmək lazımdır. 

Əkrəm  Bəydəmirli