Bu barədə deputat Vüqar Bayramov deyib.

Deputat qeyd edib ki, Prezident İlham Əliyev bölgələrimizin inkişafı ilə bağlı xüsusi diqqət və qayğı göstərir. Yalnız işğaldan azad olunmuş ərazilərimizə deyil, digər rayonlarımıza dövlətimizin başçısının və Birinci vitse-prezident Mehriban Əliyevanın səfərləri bir daha təsdiq edir ki, regionlarımızın inkişafı, yeni iş yerlərinin yaradılması ölkəmiz üçün prioritetdir. Bu istiqamətdə diqqət daha da artırılıb. Bölgələrdə sənaye, aqrar, xidmət sektorunda müəssisələri yaradılıb, o cümlədən yeni təməlqoyma mərasimləri həyata keçirilib. Məqsəd sənayeləşmənin dəstəklənməsi, emaledici sahənin stimullaşdırılması və inkişafı, ixtisaslı kadrların regionlarda işlə təmin olunmasına dövlət dəstəyinin artırılmasından ibarətdir. Son makroiqtisadi göstəricilər ondan xəbər verir ki, paytaxt ilə bölgələr arasında fərqin mərhələli şəkildə aradan qaldırılması, balanslı iqtisadi inkişafın dövlət tərəfindən dəstəklənməsi siyasəti uğurla davam etdirilir.