Bu müqəddəs yolda, qələbəmizin qazanılmasında hər bir soydaşımız öz töhfəsini verdi. Həkimlərimiz də bu tarixi Zəfərimizin qazanılmasında əvəzsiz xidmətlər göstəriblər.

Bu sözləri Bakı Sağlamlıq Mərkəzinin həkimi Kamil Hacıyev Fact-info.az saytına deyib: O, bildirib ki, 27 sentyabr 2020-ci il tarixində bizim xəstəxananın rəhbərliyinin iştirakı ilə biz təcili iclas keçirib qərara aldıq ki, btün tibbi heyət bu prosesə hazır olsun. 500 xəstəni qəbul etnəyə, eyni vaxta 52 xəstəni əməliyyat etməyə hazır olan 24 əməliyyat otağı tam hazır vəziyyətə gətirildi. Bir sıra həkimlərimiz yerindəcə əsgərlərimizə lazım olan anda yardım etmək üçün cəbhə bölgəsinə ezam olundu. Böyük ruh yüksəkliyi ilə bu işə başladıq. Bizim mərkəzə gətirilmiş 200-dən artıq yaralını əməliyyat etdik. Onu deyim ki, əməliyyat etdiyimiz xəstələrin xeyli hissəsi sonradan hərbi xidmət üçün tam yararlı oldu. Hərbiçilərimizə yüksək xidmət, onlaraın müalicəsi ilə bağlı görülmüş işlər bizim ən vacib vəzifəmiz idi.

Kamil Hacıyev daha sonra bildirib ki, bizim xəstəxanada mövcud olan ən yüksək tibbi avadanlıqlar, peşəkar tibbi heyət çox yüksək səviyyədə çalışdı. Məhz fədakar həkimlərimizin səyi nəticəsində biz həm xəsarət almış hərbiçilərimizi müalaciə etdik, həm də çox ciddi çalışmağımız nəticəsində ölüm saylarının azalmasına nail olduq. Təbii ki, bu tarixi qələbəmizin qazanılmasında, torpaqlarımızın erməni təcavüzündən azad edilməsində itkilərimiz oldu. Allah bütün şəhidlərimizə rəhmət eləsin. Onların ruhu qarşısında baş əyirik.

Kamil Hacıyev daha sonra qeyd etdi ki, müharibədən sonrakı dönəmdə də biz müharibə iştirakçılarına, qazilərimizə öz dəstəyimizi göstəririk. Psixoloji yardıma ehtiyacı olan qazilərimizə üzün müddətli müalicə prosedurları davam etdirilib. Çünki bir sıra müalicə prosesləri uzun müddətli olur. Ona görə, bizim həkimlərimiz bu missiyanı axıra qədər davam edirirlər. Bizim təbabətimiz bütün işlərin öhdəsindən gəlmək gücündədir. Mənim qənaətimcə, həkimlərimiz, ümumilikdə, təbabət sahəmiz ən çətin əməliyyatlar yerinə yetirərək kifayət qədər təcrübə qazandı. Bu isə dünyaya inteqrasiya prosesində zəruri məsələdir. Bir məqamı da vurğulamaq istərdim ki, postmüharibə dövründə əcnəbi həmkarlarımız bizim təcrübəmizlə maraqlanıb öyrənirlər.

Fact-info.az