Fact-info.az-ın məlumatına görəŞ bu sözləri siyasi elmlər namizədi, politoloq Aleksey Buryaçenko AZƏRTAC-a müsahibəsində söyləyib.

Onun sözlərinə görə, Füzuli aeroportu sadəcə növbəti aeroport deyil, Azərbaycan Qarabağda bu aeroportu cəmi səkkiz ay ərzində inşa edib. Bu aeroportdan bütün genişfüzelyajlı təyyarələr, o cümlədən böyük yük təyyarələri uçuşlar həyata keçirə biləcəklər. Gözlənildiyinə görə, hazırda Qarabağın səma qapıları adlanan aeroport regionda turizmin və ticarətin inkişafına şərait yaradacaq.

Aleksey Buryaçenko daha sonra deyib: “İki ölkənin prezidentləri tərəfindən Horadiz-Cəbrayıl-Zəngilan-Ağbənd avtomobil yolunun (Zəngəzur dəhlizi) tikintisinin və Zəngilanda Türkiyənin dəstəyi ilə yaradılacaq “ağıllı aqropark”ın təməlinin qoyulması da Füzuli aeroportu kimi genişmiqyaslı layihədir”.

Politoloq vurğulayıb ki, Azərbaycan hökumətinin dəfələrlə bəyan etdiyi kimi, bu iki ölkə böyük infrastruktur layihələrinin həyata keçirilməsi hesabına Azərbaycanın nəzarəti altına qaytarılmış əraziləri sənaye və turizm mərkəzlərinə çevirməyə çalışır. Bu, həmin regionlardakı evlərini tərk etməyə məcbur olmuş insanlar üçün müsbət siqnal olacaq.

A.Buryaçenko daha sonra deyib: “Azərbaycan və Türkiyə tərəfindən bu cür genişmiqyaslı birgə layihələrin həyata keçirilməsi iki ölkə arasında əməkdaşlığın daha da möhkəmlənməsinə şərait yaradacaq. Türkiyə coğrafi baxımdan Azərbaycana ən yaxın türkdilli ölkədir. Şübhə yoxdur ki, indi Azərbaycan-Türkiyə münasibətlərində keyfiyyət dəyişiklikləri baş verir. Azərbaycan Türkiyə ilə birlikdə tarix yazır. Bu iki ölkənin münasibətləri strateji tərəfdaşlıqdan növbəti, keyfiyyətcə yeni səviyyəyə keçir”.