44 günlük müharibə zamanı Azərbaycanın qəhrəman əsgərlərinin Ali Baş Komandanın rəhbərliyi altında otuz il davam edən erməni işğalına son qoyması da xüsusi vurğulanmışdır.

Müsahibə çərçivəsində həmçinin 2012-ci ildən Braziliyada fəaliyyət göstərən Səfirliyimizin fəaliyyətindən də söhbət açılmışdır. Səfir E.Poluxov bildirmişdir ki, gələn il Səfirliyin fəaliyyətinin on illiyi tamam olacaq və bu müddət ərzində ənənəvi iki və çoxtərəfli diplomatiyadan sair elm, mədəniyyət, idman, parlamentlər arası münasibətlər və bir çox digər sahələrdə işlər aparılmış və aparılmaqdadır. Qeyd olunmuşdur ki, artıq ənənəyə çevrilmiş hər il İRS jurnalının portuqal buraxılışı işıq üzü görür və jurnalda həm Azərbaycan həm də Braziliyalı müəlliflərin məqalələri yer tapır. Həmçinin bu il dahi Nizami Gəncəvinin əsərlərinin biri, tarixdə ilk dəfə olaraq portuqal dilinə tərcümə olunaraq dərc olunacaq və bu da xalqlarımızı mədəniyyət sahəsində daha da yaxınlaşdıran mühüm hadisəyə çevriləcək.

Həmçinin E.Poluxov iqtisadi sahədə inkişafda olan əlaqələrdən söz açaraq, Braziliyanın aparıcı şirkətlərini ölkəmizə dəvət etmiş və işğaldan azad olunmuş ərazilərdə mövcud yeni biznes imkanlarından danışmışdır. Sonra səfir bir daha agentliyin rəhbərliyinə bayram münasibəti ilə təbriklərə görə minnətdarlığını bildirmiş və xalqlarımıza uğur və inkişaf arzulamışdı.

Müsahibənin tam mətni ilə verilən keçidlə tanış olmaq olar:

https://www.omundodiplomatico.com/post/dia-da-restaura%C3%A7%C3%A3o-da-independ%C3%AAncia-do-azerbaij%C3%A3o-entrevista-com-o-embaixador-elkhan-polukhov