FACT-INFO.AZ » SİYASƏT » Azərbaycan Prezidentinin islahatları rəqabətədavamlı dövlət və cəmiyyətin formalaşdırılmasına xidmət edir
7-12-2019, 10:05 | SİYASƏT
Azərbaycan Prezidentinin islahatları rəqabətədavamlı dövlət və cəmiyyətin formalaşdırılmasına xidmət edir

Müstəqil Azərbaycan 1991-1993-cü illərin mürəkkəb, ziddiyyətli və böhranlı dönəmindən, xaos, özbaşınalıq və hərc-mərclik dövründən sonra hüquqi, dünyəvi və demokratik dövlət quruculuğu prosesinin ilkin mərhələsinə qədəm qoydu. Bu mərhələdə Azərbaycan dövlətinin qarşısında bir sıra mühüm məsələlərin həlli, ilk növbədə, sovet dövründən miras qalan AXC-Müsavat hakimiyyətinin səriştəsizliyi və məsuliyyətsizliyi ucbatından sıradan çıxarılmış, yarıdağınıq vəziyyətə gətirilmiş idarəçilik institutlarının müstəqil dövlətin idarəçilik sisteminə transformasiya olunması, yenilərinin formalaşdırılması, hakimiyyətin bütün qollarının normal fəaliyyəti üçün hüquqi bazanın yaradılması kimi həyati məsələlərin həlli dayanırdı. Ümummilli lider Heydər Əliyev ölkədə iqtisadi və siyasi islahatların həyata keçirilməsi üçün, ilk növbədə, sabitliyin və təhlükəsizliyin, sabit gəlir mənbələrinin təmin olunması istiqamətində təxirəsalınmaz tədbirlər həyata keçirdi.

Bu fikirləri AZƏRTAC-a açıqlamasında siyasi ekspert Elçin Mirzəbəyli söyləyib.

Ekspert bildirib ki, “Əsrin müqaviləsi”nin imzalanmasından və islahatların aparılması üçün sabit maliyyə qaynağının təmin olunmasından sonra müstəqil dövlətin ilk Konstitusiyası və ana qanunun tələblərindən irəli gələn müvafiq hüquqi-normativ aktlar qəbul edilib. Dövlət idarəçilik sistemi dövrün tələblərinə uyğun olaraq formalaşdırılıb, dövlət həyatının sabit fəaliyyəti təmin edilib, eləcə də Silahlı Qüvvələrin və onun ayrı-ayrı strukturlarının formalaşdırılması istiqamətində mühüm tədbirlər həyata keçirilib, məhkəmə-hüquq sistemi müstəqil dövlət idarəçiliyinin və ölkəmizin qoşulduğu beynəlxalq konvensiyaların tələblərinə uyğunlaşdırılıb. Bütün bunların nəticəsində Azərbaycan beynəlxalq hüququn tam və bərabərhüquqlu subyekti kimi beynəlxalq birliyin ayrılmaz bir hissəsinə çevrilib.

Ümummilli lider Heydər Əliyevin 1993-2003-cü illərdə həyata keçirdiyi islahatlar nəticəsində müstəqilliyinin əbədiliyi və dönməzliyi təmin edilən müasir Azərbaycan dövlətinin formalaşması prosesinin ilkin mərhələsi başa çatdı. Daha sonra biz artıq klassik anlamda hüquqi, iqtisadi, siyasi və hərbi bazası formalaşdırılmış dövlətin möhkəm təməlləri üzərindən Azərbaycanın regional və subregional təsir mexanizmlərinə malik dövlət modelinin yaradılması istiqamətində həyata keçirilən qlobal təşəbbüslərin şahidi olduq. Ölkəmizin qitələri birləşdirən enerji və nəqliyyat dəhlizlərinin qovşağına çevrilməsi istiqamətində böyük siyasi iradə, qətiyyət, siyasi erudisiya, çeviklik, dayanıqlılıq tələb edən təşəbbüslər ortaya qoyuldu və bütün təzyiqlərə baxmayaraq gerçəkləşdirildi. Beləliklə, dövlətimizin növbəti genişmiqyaslı islahatlar dönəminə ağrısız keçidi və bu islahatların bütün neqativ təsirlərdən sığortalanması üçün zəmin yaradıldı.

Prezident İlham Əliyevin təşəbbüsü ilə islahatların konseptual əsasları – Strateji Yol Xəritəsi hazırlanaraq həyata keçirilməyə başlandı. İslahatların ilkin dönəmində aparılan araşdırmalar və təhlillər nəticəsində prosesə maneə yaradan bütün neqativ amillər də üzə çıxdı. Bu isə öz növbəsində, islahatların daha da sürətlənməsinə və genişlənməsinə zəmin yaratdı. Hazırda Prezident İlham Əliyevin dövlət həyatının bütün sahələrində keyfiyyət dəyişikliyinə nail olmaq üçün gerçəkləşdirdiyi islahatların bir neçə əsas istiqaməti var: dövlət idarəçiliyinin bütün sahələrində çevik, nəticəsi proqnozlaşdırıla bilən qərarların qəbul və icra edilməsi imkanlarına sahib, dövrün dəyişən alqoritmlərinə uyğun reaksiya verməyi bacaran mexanizmlərin tətbiqi; islahatların fəlsəfəsini və hədəflərini dərk edən və bu islahatları həyata keçirmək potensialında olan, intellektual, bacarıqlı, işgüzar, milli dəyərlərə sadiq və müasir dünyagörüşlü peşəkarlardan ibarət kadr bazasının formalaşdırılması; dövlət idarəçiliyinin bütün sahələrində xərclərin optimallaşdırılması, dövlət orqanlarının koordinasıyalı və çevik fəaliyyətinin təmin edilməsi, fərdi və korporativ maraqlardan, subyektiv siyasi amillərdən sığortalanmış idarəçilik sisteminin formalaşdırılması məqsədilə struktur islahatlarının həyata keçirilməsi; şəffaflığın və vətəndaş məmnunluğunun təmin edilməsi; dövlətin azad bazar münasibətlərində iştirakının minimuma endirilməsi, tənzimləyici funksiyanın önə çıxarılması; qeyri-enerji sektorunun bütün istiqamətlər üzrə aparıcı mövqeyə sahiblənməsi, sahibkarlığın, “öz işinin sahibi olmaq” tendensiyasının stimullaşdırılması və bütün dövrlər üçün trendə çevrilməsi; islahatlara, dövlətin sosial və humanizm siyasətinə, özəl sektorun, bütövlükdə ölkənin, cəmiyyətin inkişafına maneə yaradan hüquqi maneələrin aradan qaldırılması, məhkəmə-hüquq sisteminin müasir dövrün reallıqlarına, Azərbaycan dövlətinin təməl hüquqi prinsiplərinə uyğunlaşdırılması, dövlətin ədalətinin vətəndaşa münasibətdə başlıca amilə çevrilməsi.

Ekspert vurğulayıb ki, yuxarıda sadalanan bu istiqamətlərin özü də beynəlxalq təcrübədə konkret zaman kəsiyində həyata keçirilən islahatlar paketləri ilə müqayisəyəgəlməz dərəcədə çoxdur. Bu isə Prezident İlham Əliyevin islahatlar kursunun təkcə dövlət idarəçiliyinin deyil, eyni zamanda, cəmiyyətin özünü də yeni dövrün tələblərinə uyğunlaşdırmağa xidmət etdiyinin göstəricisidir. Prezident İlham Əliyevin islahatları yeni, modern, çevik, rəqabətədavamlı dövlət, rəqabətədavamlı cəmiyyət, rəqabətədavamlı vətəndaşın formalaşdırılmasına xidmət edir.




Baxış sayı: 952
Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00 "Rəqəmsal Media Ayı" çərçivəsində növbəti təlim proqramına başlanılıb 11-11-2026, 18:00 İrəvandakı tarixi Göy məsciddə müsəlman dini mərasimi ilə bir araya sığmayan tədbirin keçirilməsi vandalizmdir - QMİ 11-11-2026, 16:30 Prezident İlham Əliyev və birinci xanım Mehriban Əliyeva COP31-in Liderlər Sammitində iştirak ediblər 11-11-2026, 16:00 Xəzərin səviyyə tərəddüdləri və Günəş fəallığı, yeni tədqiqatlar 11-11-2026, 14:30
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30