FACT-INFO.AZ » MƏDƏNİYYƏT » Eşq pərdəsində gəzişmələr
27-02-2018, 23:40 | MƏDƏNİYYƏT
Eşq pərdəsində gəzişmələr

Ustad buyururdu ki, guş qıl, yəni, eşit, dinlə, göylərdən gələn gizli ismarışları musiqinin dilindən al. Əgər hal əhli olsan, musiqi səni özündən ayırıb başqa bir dünyanın qonağı edəcək. Onda görəcəksən ki, tarın, neyin hər bir sədası Allahın adlarını zikr edir. Amma gərəkdir ki, musiqi əsl musiqi ola və onu ifa edən nəğməkarın da Həzrəti İsa dəmi tək bir dəmi ola. Yəni, müğənnidə elə bir qüdrət ola ki, Həzrəti İsa insanları diriltdiyi, cisminə can verdiyi kimi, o da dinləyənin - zövq əhlinin ruhunu dirildə, içini təzələyə.

Tut bərabər dəmi-İsayə müğənni dəmini,

Qılıb ehya özüvi seyr elə ruh aləmini…

Yəni, bu sənət bir ibadətdir, sadiqləri sevir. Yəni, bu yol eşq yoludur, aşiqlər üçündur. Səsi, qəlbi, ruhu, duyğusu olanlar üçündür. Cahilin, qəlbsizin, ruhsuzun bu yolda nə işi var axı? O səslər bizi öz izinə salıb aparır ki, içində böyük eşq işığı var. Səs haqqında danışmaq, yəni səsi sözə çevirmək bir az çətindir. Amma bu səs elə özü haqqında hər şeyi danışır. Çox yox, elə bir-iki nəfəsdən o işıq parlayır. Hələ o səsi dinləməmisinizsə, ərkyana bir xahiş edim – mütləq dinləyin. Yox, əgər siz Emil Rəhmanov adlı möcüzədən xəbərdarsınızsa, deməli, o eşqin zövqünü dadmısız, deməli, nə vaxtsa o büllur səsin qanadlarında ərşi - əlaya qalxmısız və …

Asudə ruhlar kimidir bu səs – hara istəsə qona bilir. Bir az Hacıbaba boğazı var, bir az Akif nəfəsi. Amma onların heç biri deyil. Özüdür. Həm də hamımızıq – mənəm, sənsən. Bizim içimizdəkilərdi, səs donuna girib oxuyur. Yəni bu dərəcədə yaxındı, əlçatandı. Amma həm də o qədər uzaqdi ki, sanki bizim bilmədiyimiz, tanımadığımız bir dünyanin içindən boylanır. Nədir bu səsin oxuduqları - nəğmədir, haraydır, zikrdir, duadır? Bəlkə ruhun gəzişmələridir – bəmdə, zildə, mayədə? Hər nədirsə, adi oxumaq deyil, oxumağın üst qatıdır, eşq məqamıdır, yəni, bundan o tərəfi yoxdur. Dinləyicilərdən biri onu təhlükəli ifaçı adlandırmışdı. Həqiqətdir. O baxımdan ki, insanı içəridən ilmə-ilmə sökür, dağıdır, sonra özünə gəlmək, bərpa olmaq, ayağa durmaq var axı…

Klassik ifaçılarımızın böyük əksəriyyətinin sənət yolu ilə tanışam. Heç birinin taleyi hamar olmayıb. Ağrı da görüblər, itki də, hədə də, təhqir də. Ancaq mütləq hər birinin həyatında işıq yandıran insanlar olub – Üzeyir bəy kimi, Müslüm bəy kimi, Sarabski kimi. Arxa-dayaq olublar, qapı-qapı gəzib minnətçi düşüblər, səhnəyə gətiriblər, xərclərini ödəyiblər, təki istedad itib-batmasın, təki səhnəmiz qazansın. Hərdən düşünürəm ki, kaş Emil 70-80 il əvvəl dünyaya gələrdi, o xeyirxahların qayğısına sığınardı. Ya da kaş ötən əsrin 60-70-ci illərində - Azərbaycan estradasının ən şöhrətli, ən fərəhli çağlarında yaşayaydı bu ifaçı. Kaş Tofiq Quliyev, Rauf Hacıyev, Tofiq Əhmədov, Rafiq Babayev bu səsi eşidəydi, tanıyaydı. Köhnə Bakının kübar musiqi məclislərinin yuxarı başında yeri olardı bu səsin. Naxışı başqa cür gətirərdi bu səsin...

Amma bu möcüzə-səs bizim bəxtimizə çıxıbsa, deməli bizim naxışımız daha çox gətirib. İlin-günün bu çağında bir ləhni-Davud gəlib düşüb aramıza. Bizə qalır bu yüksək əyarli səsin, sənətin dəyərini bilmək, bu incinin əsl xiridarı olmaq. Və bir də, Seyid Əzim demiş, bu dürlə, inciylə dolu peymanəni nadan əlinə vermək olmaz. Bu piyalə ancaq sənət sevdalılarının əlində olmalıdır ki, damla-damla içib o sonsuz eşq işığına doğru qanadlansınlar. İçək eşq müjdəçisi olan bu Səsin, bu ruhun sağlığına!

Xuraman Həsənova




Baxış sayı: 2 505
Vyetnam Prezidenti: Azərbaycanı regionda daimi mühüm strateji tərəfdaş kimi qəbul etmişik Dünən, 12:30 Yeni Azərbaycan Partiyasının yaradılmasından 34 il ötür Dünən, 11:00 Prezidentlər İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub Dünən, 11:00 Müdafiə Nazirliyində NATO nümayəndə heyəti ilə görüş keçirilib Dünən, 11:00 Ağdam Şəhər Günü konsert proqramı ilə qeyd olunub 20-11-2026, 20:00 Azərbaycan, Gürcüstan və Türkiyə hərbçilərinin iştirakı ilə keçirilən “Eternity-2026” təlimi başa çatıb 20-11-2026, 19:00 Azərbaycan Prezidenti İlham Əliyevin Vyetnamın Baş naziri ilə görüşü olub 20-11-2026, 12:30 Azərbaycana akkreditə olunmuş diplomatlar Böyük Qayıdış prosesi barədə məlumatlandırılıblar 20-11-2026, 12:30 Məleykə Abbaszadə BDU-nun rektoru vəzifəsinə təyinatı ilə bağlı açıqlama yayıb 20-11-2026, 11:00 QHT Agentliyi 2027-ci il üzrə kiçik və böyük qrant müsabiqələrini elan edir 20-11-2026, 09:30 Ukraynanı və Azərbaycanı qarşılıqlı hörmət birləşdirir 19-11-2026, 19:30 “Eternity-2026” təlimi çərçivəsində Azərbaycan-Gürcüstan nümayəndələrinin görüşü keçirilib 19-11-2026, 19:00 Western Azerbaijan Community calls on Tom Lantos Commission to abandon biased approach 19-11-2026, 17:30 Putin Ukrayna ilə danışıqların müddəti barədə danışıb 19-11-2026, 17:00 Prezident İlham Əliyev Vyetnam Xəbər Agentliyinə müsahibə verib 19-11-2026, 14:30 Azərbaycanda aqrar subsidiyalardan investisiyayönümlü dəstəyə keçid hədəflənir 19-11-2026, 12:30 On ayda sürət həddinin aşılması səbəbindən yol qəzalarında 256 nəfər ölüb 19-11-2026, 12:00 Azərbaycan və Gürcüstan alimləri Nizami və Rustaveli yaradıcılığını birgə tədqiq edirlər 19-11-2026, 10:30 Fransa hökumətini qərəzli yanaşmadan əl çəkməyə və Azərbaycanın daxili işlərinə müdaxilədən çəkinməyə çağırırıq 19-11-2026, 10:00 QHT Agentliyinin 2027-ci il üzrə qrant müsabiqələri elan olunacaq 19-11-2026, 10:00 Yaşar Gülər: Azərbaycanla əməkdaşlıq qarşılıqlı etimad əsasında güclənir 18-11-2026, 17:30 Yohan David Vadeful: Azərbaycan Avropa üçün çox önəmli tərəfdaşdır 18-11-2026, 17:30 Nəğmələrdə yaşayan ömür 18-11-2026, 17:00 ANAMA sədri "Ukraynada Mina Fəaliyyəti üzrə" 4-cü Konfransda iştirak edib 18-11-2026, 15:30 “Eternity-2026” təliminin iştirakçıları Zəfər parkını ziyarət ediblər 18-11-2026, 12:00 ABŞ Azərbaycana ərazilərin minalardan təmizlənməsində yardım göstərə bilər 18-11-2026, 11:00 Agentlik sədri: Süni intellekt daha strateji və yaradıcı düşünməyimiz üçün bizə geniş meydanlar açır 18-11-2026, 11:00 COVID-19-a yoluxmuş şəxslərdə xəstəliyin hansı fəsadları qalmaqdadır 18-11-2026, 10:00 MDB ölkələri terror təhlükələrinə qarşı birgə mübarizə sahəsində əhəmiyyətli təcrübə toplayıblar 18-11-2026, 10:00 Rizvan Nəbiyev: Azərbaycanın xarici siyasət imkanlarının genişləndirilməsi qarşıdakı dövrün prioritet istiqamətlərindəndir 18-11-2026, 09:30
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30