FACT-INFO.AZ » XƏBƏR » Amerikalı politoloq: “ABŞ Azərbaycanla Ermənistan arasında görüşlərin təşkilində aktiv iştirak edir”
2-10-2022, 09:35 | XƏBƏR
Amerikalı politoloq: “ABŞ Azərbaycanla Ermənistan arasında görüşlərin təşkilində aktiv iştirak edir”

APA-nın Britaniya bürosu xəbər verir ki, Con Baçelor müsahibənin başlanğıcında bir neçə dəfə Azərbaycanda olduğunu, Ermənistan ilə Azərbaycan arasında münaqişənin uzun müddətdir davam etdiyini, insanların öz torpaqlarına qayıtmağa hazır olduğunu, hal-hazırda danışıqların davam etdiyini, ancaq yeni qarşıdurmanın başladığını bildirib.

Aparıcının fikirlərinə əlavə olaraq, Brenda Şafer Vaşinqtonun ikitərəfli görüşlərə vasitəçilik etdiyini və bu istiqamətdə aktivləşdiyini söyləyib.

Öz növbəsində səfir Elin Süleymanov, Entoni Blinken və Ceyk Sallivan tərəfindən aparılan vasitəçilik fəaliyyətini yüksək qiymətləndirdiyini qeyd edib. Azərbaycanın Ermənistana ərazi bütövlüyünün qarşılıqlı tanınması, gücdən istifadə edilməməsi, sərhədlərin delimitasiyası, kommunikasiyaların açılması və sülhə yol aça biləcək digər mühüm məsələləri nəzərdə tutan 5 maddədən ibarət təkliflər paketini irəli sürdüyü haqqında ümumi məlumat verib. Səfir, Ermənistanın bu təklifləri qəbul etdiyini bəyan etməsinə baxmayaraq, bu istiqamətdə heç bir praktiki addımın atılmadığını bildirib.

Səfir bildirib ki, iki ölkə arasında sülh müqaviləsinin imzalanması qaçılmazdır. O, bu sazişin hər iki xalqın marağına və geniş miqyasda regionun inkişafına xidmət edəcəyini xüsusi vurğulayıb.

“Eyni zamanda, sülhün bərqərar olunması həm ABŞ, həm Avropa (o cümlədən Böyük Britaniya), həm də Rusiyanın maraqlarına xidmət etməlidir”,- deyə Elin Süleymanov bildirib.

C.Baçelorun son vəziyyətə səbəb olan təxribatlarla bağlı sualına səfir sentyabr ayında Ermənistanın Azərbaycan ərazilərində minalanma fəaliyyəti apardığını, bunun böyük təhlükə və aşkar təxribat olduğunu bildirib.

Diplomat regionda sülhün bərqərar olmasına ümidvar olduğunu, son vəziyyəti nəzərə alaraq sülhdən başqa heç bir məntiqi yolun olmadığını qeyd edib. Azərbaycanın hal-hazırda işğaldan azad ərazilərin iqtisadi inkişafına yönəlmiş genişmiqyaslı fəaliyyət həyata keçirdiyini, məcburi köçkünlərin öz doğma torpaqlarına qayıtmasının təmin edilməsi ilə məşğul olduğunu və heç bir şəkildə yeni qarşıdurmanın yaranmasında və bu fəaliyyəti sual altına qoyan heç bir vəziyyətdə maraqlı olmadığını bildirib.

C.Baçelor B.Şafferə son qarşıdurmanın Azərbaycanın Avropanın enerji təhlükəsizliyi məsələsində artan roluna qarşı bir cavab olub-olmadığı ilə bağlı sual ünvanlayıb.

B.Şaffer 2020-ci ilin iyul ayında Ermənistanın hücumunun Qarabağ ərazilərindən yox, məhz Tovuz rayonu istiqamətində Cənub Qaz Dəhlizi marşrutu yaxınlığında baş verdiyini vurğulayıb.

Elin Süleymanov Böyük Britaniyanın bir çox beynəlxalq məsələlərdə ciddi yanaşma nümayiş etdirdiyini, bu yanaşmanın bəyan edilmiş “Qlobal Britaniya” konsepsiyası ilə üst-üstə gəldiyini, Böyük Britaniya ilə Azərbaycan arasında güclü tərəfdaşlığın mövcudluğunu qeyd edib.

O, xüsusilə minalardan təmizlənmə məsələsində Britaniyanın göstərdiyi yardımı yüksək qiymətləndirib, NATO ilə də ölkəmizin əlaqələrinin güclü olduğunu və Azərbaycanın güclü və sabit olmasının, regionda rifaha töhfə verməyə davam etməsinin vacibliyini vurğulayıb. Bunun təmin edilməsi üçün əsas yolun Ermənistan ilə Azərbaycan arasında birbaşa danışıqların aparılmasına və sülh sazişinin əldə edilməsinə köməyin göstərilməsindən keçdiyini qeyd edib. Bu yardımın Aİ, ABŞ və Rusiyadan da göstərildiyini söyləyib.

Bunun üçün Ermənistanda siyasi iradənin olmasının vacibliyini vurğulayan səfir, Ermənistanın sabiq prezidentlərindən birinin son bəyanatlarını xatırladıb.

30 illik işğal siyasətindən sonra müstəqilliyini itirmək astanasına gəldiyini və erməni xalqının müvafiq qərarlar verərək öz gələcəyini müəyyən etməli olduğunu bildirib.

Səfir Ermənistanın vəziyyətindən yeganə çıxış yolunun Azərbaycan və Türkiyə ilə əlaqələrin normallaşdırılmasında gördüyünü qeyd edib.




Baxış sayı: 419
Fon der Lyayen: Avropa Ukrayna ilə bağlı sülh danışıqlarında iştirak edəcək Bu gün, 10:30 Azərbaycan filmi Haaqa Beynəlxalq Film Festivalının qalibi olub Bu gün, 09:30 Prezidentin Mətbuat Xidmətinin məlumatı Bu gün, 08:00 Vətən Müharibəsi Qəhrəmanı Zaur Nudirəliyevin xatirəsi anılıb Bu gün, 08:00 Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30