Lakin biz ermənilərin ekoloji terrorlarına seyrçi qala bilmərik. Ən azından gələcəkdə beynəlxalq məhkəmələrin predmeti üçün Laçın şəhəri və ətraf kəndlərdə ermənilərin ekoloji basqıları, terroru detallı şəkildə foto və video vasitəsilə yaddaşa köçürülməlidir.

Ekoloji problemlərin təhlili mövcud reallıq, ermənilərin Qarabağda törətdiyi vəhşiliklər nəzərə alınaraq aparılmalıdır.

Baş verən dəyişikliklərin ekoloji nəticələri və perspektivdə təzahürləri beynəlxalq ictimaiyyəti ciddi düşündürməlidir. Dünyanın ağciyərləri hesab olunan meşə fondunu, qiymətli ağac növlərini bərpa etmək üçün uzun zaman lazımdır. 

Hər zaman yaxasın cıran ekoloqlar,  beynəlxalq ekoloji təşkilatların nümayəndələri, ətraf aləmə sevgisi olan və yaxud olmayan hər kəs  belə ekoloji faciələrə sakitcə tamaşa etməməlidir. Ona görə ki, ekologiya sərhəd tanımır. Ermənilərin ekoloji terror aktlarına seyrçi qalmaq olmaz. 

Cəmiyyətin bütün təbəqələri istər varlı olsun, istər kasıb ətraf mühitdən, ekologiyadan təcrid olunub yaşaya bilməz. Deməli, problemdən çıxış yolu ekoloji təfəkkürü dərinləşdirmək, ətraf aləmə doğma münasibət göstərmək gərəkdir. 

Əkrəm Bəydəmirli