FACT-INFO.AZ » XƏBƏR » Zaur Məmmədov: Prezident İlham Əliyev müsahibəsində regiondakı proseslərə müdaxilə etmək istəyənlərə çox vacib mesajlar verdi
14-08-2022, 10:10 | XƏBƏR
Zaur Məmmədov: Prezident İlham Əliyev müsahibəsində regiondakı proseslərə müdaxilə etmək istəyənlərə çox vacib mesajlar verdi

Unutmayaq ki, son zamanlar bölgə uğrunda və ətrafında çox vacib geosiyasi proseslər baş verməkdədir. Dövlətimizin başçısının Türkiyəyə səfəri və orada Cənubi Qafqazda gedən prosesləri müzakirə etməsi də bu istiqamətdə atılan addımların nəticəsidir. Bundan əlavə, Soçidə Türkiyə və Rusiya liderləri arasında regionda gedən proseslərin müzakirəsi də oldu. Eyni zamanda, bəzi dövlətlərin Cənubi Qafqazla bağlı müxtəlif çağırışlarının, istəklərinin və bəyanatlarının da şahidiyik. Əlbəttə ki, kimin nəyi, necə deməsindən asılı olmayaraq, Azərbaycan dövləti öz hədəflərini hər kəs üçün açıq və konkret şəkildə ortaya qoyur.

Bu fikirləri AZƏRTAC-a açıqlamasında Dövlət İdarəçilik Akademiyasının müşaviri Zaur Məmmədov söyləyib.

“Prezident İlham Əliyev İsmayıllı rayonunun Basqal qəsəbəsində Azərbaycan Televiziyasına müsahibə verərkən bir daha qeyd etdi ki, bizi heç kim və heç nə dayandıra bilməz. Azərbaycan öz hədəflərinə bir-bir çatır və çatacaq. Bundan əlavə, istər “Qisas” əməliyyatından əvvəl, istərsə də sonra dövlətimizin başçısına telefon zənglərinin hansı ölkələr və təşkilatlar tərəfindən edildiyinin şahidiyik. Müxtəlif təsir və təzyiqlərə baxmayaraq, rəsmi Bakı öz hədəflərinə doğru əminliklə gedəcək. Əlbəttə ki, hazırda Azərbaycanın əsas hədəfi avqustun sonunda Laçın şəhəri, Zabux və Sus kəndlərinin ermənilər tərəfindən boşaldılması və təhvil verilməsidir. Bundan sonra isə Laçın dəhlizi də tarixə qovuşacaq. Onu isə yeni layihə olan Laçından keçməyən yol əvəzləyəcək ki, bu da çox vacib hədəfdir. Ümumiyyətlə, Laçın dəhlizinin üçtərəfli Bəyanatda yer alması da olduqca önəmlidir. Dövlətimizin başçısı müsahibəsində bunu da ölkə ictimaiyyətinə açıqladı”, - deyə Z.Məmmədov diqqətə çatdırıb.

Sentyabrın əvvəlinədək Laçın dəhlizinin tarixə qovuşacağını bildirən politoloq deyib: “Ermənistanı Qarabağın dağlıq hissəsi ilə birləşdirəcək yeni yolun artıq dəhliz olmayacağını nəzərə alsaq, bu, əlbəttə, vacib məqamlardan biridir. Nəinki Laçın şəhəri, Zabux və Sus kəndləri də Azərbaycana təhvil verilir. Ümumilikdə Laçında yeni yolun statusuna yenilik gətirilir. Bu proses də vacib nüanslardan biridir. Çünki Azərbaycan istənilən zaman yolda giriş-çıxış məsələlərinə aydınlıq gətirə bilər. Belə ki, əgər Ermənistan və ya separatçılar qeyri-adekvat addımlar atarsa, bu hal baş verə bilər”.

O qeyd edib ki, Prezident İlham Əliyev erməni hərbi birləşmələrinin Qarabağı tərk etməli olmaları ilə bağlı məsələyə bir daha toxundu. Dedi ki, bu qərar üçtərəfli Bəyanatda da yer alır. Əgər hərbi birləşmələr sentyabradək Qarabağı tərk etməsələr, Azərbaycan beynəlxalq hüquqa əməl etməyən və 2020-ci il 10 noyabr tarixli üçtərəfli Bəyanatın müddəalarını yerinə yetirməyən terrorçulara qarşı ərazisində əməliyyatlar keçirə bilər. Dövlətimizin başçısı onu da qeyd etdi ki, ermənilər “Qisas” əməliyyatının gücünü gördülər. Bir daha bu cür təxribatlar baş verərsə, onlar yeni əməliyyatların şahidi olacaqlar. Bizim əsas istəyimiz sülhdür, müharibə deyil. Azərbaycan rəsmi sənədlərə əsasən, öz öhdəliklərini hər zaman yerinə yetirir. İstərdik ki, Ermənistan da üzərinə düşən öhdəlikləri yerinə yetirsin, normal qonşuluq əlaqələrinə əməl etsin. Eyni zamanda, Zəngəzur dəhlizi, delimitasiya, erməni hərbi birləşmələrinin Azərbaycan ərazilərindən çıxarılması ilə bağlı ciddi addımlar atsın. Əgər Ermənistan öz üzərinə düşən öhdəlikləri yerinə yetirməyəcəksə, biz də buna uyğun davranacağıq. Digər məsələ isə əgər Ermənistan ölkəmizin ərazi bütövlüyünü tanımasa, torpaq iddiasını davam etdirsə, Azərbaycan da bu hərəkətə eyni tərzdə cavab verəcək.

Z. Məmmədov əlavə edib ki, müharibənin bitməsindən bir il doqquz ay keçməsinə baxmayaraq, Azərbaycan qarşılıqlı olaraq hər iki dövlətin bir-birinin ərazi bütövlüyünü tanıması üçün Ermənistana siyasi təzyiqlər edir. Bu proses də haqlı olaraq davam etdirilir. Çünki düşmən ölkə nəinki öz üzərinə düşən öhdəliklərə əməl edir, hətta tez-tez sərhəddə və ərazilərimizdə təxribatlar törədir.

“1918-ci ildə İrəvan şəhəri, 1920-ci ildə isə Göyçə və Qərbi Zəngəzur SSRİ tərəfindən tamamilə qeyri-qanuni şəkildə Ermənistana verildi. Ona görə də 1918-ci ildəki arxiv sənədlərinin araşdırılması vacibdir. Prezident İlham Əliyevin Ermənistandakı tarixi Azərbaycan torpaqları məsələsinə bir daha toxunması, əslində, tarixçilər və beynəlxalq hüquq sahəsində ixtisaslaşmış şəxslər üçün yol xəritəsi olmalıdır. Müvafiq qurumlar tərəfindən bu istiqamətdə də ciddi işlər görülməlidir”, - deyə Z.Məmmədov vurğulayıb.




Baxış sayı: 418
Fon der Lyayen: Avropa Ukrayna ilə bağlı sülh danışıqlarında iştirak edəcək Bu gün, 10:30 Azərbaycan filmi Haaqa Beynəlxalq Film Festivalının qalibi olub Bu gün, 09:30 Prezidentin Mətbuat Xidmətinin məlumatı Bu gün, 08:00 Vətən Müharibəsi Qəhrəmanı Zaur Nudirəliyevin xatirəsi anılıb Bu gün, 08:00 Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30