Fact-info.az-ın məlumatına görə,bunu Trend-ə AMEA A.Bakıxanov adına Tarix İnstitutunun əməkdaşı Faiq İsmayılov deyib.
F.İsmayılov bildirib ki, min illərə şahidlik edən bu kənd ermənilər tərəfindən dağıdılaraq tamamilə məhv edilib, 200-dən çox tarix və mədəniyyət abidəsinin yalnız bünövrələri qalıb. Kəndin qədim yaşayış evləri, inzibati binaları, məscid, kilsə və monastır komplekslərinin bir çoxunun bünövrələrini belə müəyyənləşdirmək çox çətindir:
O bildirib ki, Əlidərə kəndi Qərbi Zəngəzur regionunun Gorus şəhərindən 23 kilometr, Oxçuçayın sahilindən şimali-qərb istiqamətində 69 kilometr məsafədə dəniz səviyyəsindən 1300-1350 metr yüksəklikdə yerləşir.
"Kəndin bir neçə kilometr cənub-şərq istiqamətində Oxçuçayın sol sahilində qədim qəbiristanlıq yerləşir. Qəbiristanlıqda 1265-ci ilə aid qəbir daşları, qəbrüstü abidələr öz mövcudluqlarını indiyədək qoruyub saxlayır. Əlidərə kəndindən Qafan şəhəri istiqamətində, Oxçuçaya baxan hündür təpədə Əlidərə Qalası adlandırılan müdafiə istehkamı var. Qalanın 1611-ci ildə inşa edildiyi güman edilir. Əlidərə qalası Azərbaycan memarlığının ən möhtəşəm nümunələrindən hesab olunur.Əlçatmaz hündür bir ərazidə möhtəşəm müdafiə istehkamının yaradılması abidəni oduqca maraqlı və baxımlı edir.
Lakin ermənilərin 2010-cu ildə Qaladakı binaların birini təmir edərək üstündə zəng qülləsi tikib erməni Qriqorian kilsəsi kimi təqdim etmələri daha bir vandallığın acı nəticəsidir. Bu fəaliyyət abidələrin mühafizəsi və bərpası işlərində qəbul edilmiş Beynəlxalq Konvensiyaların müvafiq maddələrinə zidd olsada, ermənilər bu qanuna zidd əməllərdən on illər boyu istifadə etməklə özlərinə Cənubi Qafqazda saxta tarix yaradırlar", - deyə F.İsmayılov qeyd edib.
Baxış sayı: 582
From Shavkat Mirziyoyev, President of the Republic of Uzbekistan
Azerbaijan’s cultural heritage showcased at festival in South Korea
Media and Broadcasting Council urges media to cite official sources in reports on President
Two books on Yerevan’s history added to US Library of Congress catalogue
Farid Shafiyev: Azerbaijan proved that peace is achievable through direct talks with Armenia

