FACT-INFO.AZ » SİYASƏT » 2021-ci il Qələbəmizin müxtəlif sahələrdə möhkəmləndirilməsi istiqamətində atılan addımlarla yadda qaldı
11-01-2022, 08:35 | SİYASƏT
2021-ci il Qələbəmizin müxtəlif sahələrdə möhkəmləndirilməsi istiqamətində atılan addımlarla yadda qaldı

Prezident İlham Əliyev Qoşulmama Hərəkatının toplantısında həm dövlət, həm də beynəlxalq səviyyəli humanitar problemləri gündəmə gətirməsi ilə Azərbaycanı ən təşəbbüskar ölkə kimi dünyaya tanıtdı. Bu təşəbbüskarlığın əsas səbəbi Prezident İlham Əliyevin bir sıra məsələlərdə digər dünya liderlərindən daha fəal mövqe sərgiləməsindən irəli gələn məqamlardır. Qoşulmama Hərəkatındakı çıxışı zamanı Prezident İlham Əliyev vaksin millətçiliyi məsələsinə də diqqət ayırdı. Bildirdi ki, inkişaf etməkdə olan və az inkişaf etmiş ölkələrə vaksin yardımının çatdırılması və peyvəndlər ədalətli paylanması təmin olunmalı. Həmçinin diqqətə çatdırıldı ki, COVID-19 pandemiyası dövründə dövlətlərin bir-biri ilə həmrəy olması vacib şərtlərdəndir. Eyni zamanda, Prezident İlham Əliyev Azərbaycanın işğal olunmuş əraziləri ilə bağlı məsələləri gündəmə gətirdi, dövlətimizin apardığı haqq savaşından bəhs etdi. Pandemiya dövründə Azərbaycanın Ümumdünya Səhiyyə Təşkilatı ilə humanitar sahələrdə geniş əməkdaşlıq etdiyi vurğulandı. Belə ki, Azərbaycan ÜST-ə yardımı ilə diqqətləri öz üzərinə çəkdi. Digər tərəfdən, ÜST-ün tövsiyələri nəticəsində modul tipli xəstəxanalar tikildi. Eyni zamanda, ölkəmiz COVID-19 böhranından çıxış üçün ciddi addımlar atdı. Atılan bütün addımlar Azərbaycanı pandemiyanın qarşısının alınması istiqamətində önəmli işlər görən ölkələrdən birinə çevirdi.

Fact-info.az-ın məlumatına görə, bu fikirləri AZƏRTAC-a açıqlamasında Milli Məclisin deputatı Fazil Mustafa deyib.

Deputat deyib ki, Azərbaycan BMT müstəvisində də böyük uğurlar qazandı. Ölkəmiz BMT-nin 2021-ci ildə keçirilən iclaslarında çox ciddi məsələləri gündəmə gətirdi. Belə ki, 44 günlük Vətən müharibəsindən sonrakı dövrdə Azərbaycanın mövqeyinin ifadə edilməsi və bir sıra prinsipial məsələlərin həllində vacib strateji rola sahib olmasının diqqətə çatdırılması önəmli hadisə idi.

Azərbaycan, həmçinin Avropa İttifaqının “Şərq tərəfdaşlığı” proqramının VI Sammiti çərçivəsində də vacib görüşlər keçirdi. Dekabrın 15-də Belçika Krallığının paytaxtı Brüsseldə keçirilən görüşdə Avropa İttifaqı tərəfindən ərazi bütövlüyünün bərpası münasibətilə Azərbaycana dəstəyin ifadə olunması gələcək əməkdaşlığın daha münbit zəmində inkişaf etdirilməsi üçün geniş perspektivlər yaradır. Avropa İttifaqı Şurasının Prezidenti Şarl Mişelin Bakıya səfəri, eyni zamanda, Azərbaycan Prezidentinin Brüsseldə ikitərəfli və üçtərəfli görüşlərdə iştirak etməsi Aİ ilə münasibətlərin yüksək səviyyədə olmasının əsas təzahürlərindən biridir.

Azərbaycanın NATO ilə əlaqələrindən danışan deputat deyib: “NATO ilə ölkəmiz arasında sıx əməkdaşlıq formatında böyük işlər görülür. Buna misal olaraq Azərbaycanın Əfqanıstanda həyata sülhməramlı missiyanı göstərə bilərik. Bu səbəbdəndir ki, ölkəmizin bu missiyası NATO-nun Baş katibi Yens Stoltenberq səviyyəsində çox yüksək qiymətləndirildi. Həmçinin NATO-nun ölkəmizin ərazi bütövlüyünü dəstəkləməsinin şahidi olduq. Qarşılıqlı siyasi əməkdaşlıq fonunda NATO-Azərbaycan əlaqələrini müsbət dəyərləndirmək olar.

Qeyd etməliyik ki, 2021-ci ildə Azərbaycan, həmçinin türkdilli dövlətlərlə əlaqələrin daha da möhkəmləndirilməsi istiqamətində fəallıq nümayiş etdirdi. Eyni zamanda, Türk Dövlətlər Təşkilatının inkişafının əsasını təşkil edən ölkə oldu. İstanbulda keçirilən Türkdilli Dövlətlərin Əməkdaşlıq Şurasının VIII Zirvə Görüşündə Azərbaycan gələcəkdə türk dövlətlərinin inteqrasiyası, həmçinin mədəni, siyasi, hüquqi əməkdaşlıq istiqamətində önəmli addımlar atdı və böyük dəstək qazandı. Diqqətçəkən məqamlardan biri də 44 günlük Vətən müharibəsindən sonra türk dövlətlərinin Azərbaycana verdiyi dəstək idi”.

F.Mustafa bildirib ki, Aşqabad şəhərində İqtisadi Əməkdaşlıq Təşkilatının (İƏT) XV Zirvə Toplantısı zamanı ölkəmiz üçün çox önəmli qərarlar qəbul edildi. Belə ki, əvvəllər Azərbaycanın mövqeyinə bir qədər fərqli yanaşan dövlətlər də ölkəmizi dəstəklədiklərini bəyan etdilər. Bu da Azərbaycan üçün önəmli irəliləyiş deməkdir. Bir sıra İslam ölkələrinin Azərbaycanın müharibədən sonrakı dövrdə ərazilərinin bərpa olunması ilə bağlı dəstək mesajları və Qarabağda həyata keçirilən layihələrdə iştirak etmək niyyətləri tamamilə yeni, uğurlu bir siyasətin konturlarını özündə ehtiva edirdi.

“2021-ci ildə Müstəqil Dövlətlər Birliyi(MDB) Dövlət Başçıları Şurasının videokonfrans formatında keçirilən iclasında Prezident İlham Əliyev ölkəmizin ərazi bütövlüyü məsələsindən tutmuş, bölgədə barışın bərqərar olması və digər vacib məqamlar barədə çox uğurlu müzakirələr apardı. Həmçinin işğalçı Ermənistanın mövqeyinin ifşa olunması istiqamətində dövlətimizin başçısı tərəfindən çox önəmli açıqlamalar edildi. Bu da Azərbaycanın MDB Dövlət Başçıları Şurasının iclasında mövqeyinə dəstək ifadə olunan qərarların qəbulunda əhəmiyyətli rol oynadı. Çünki Ermənistanın güvəndiyi platformalardan biri də Müstəqil Dövlətlər Birliyi idi. Amma zaman göstərdi ki, dövlətimizin mövqeyinə çox ciddi və fərqli bir yanaşma mövcuddur. Azərbaycan bu istiqamətdə səylərini daha da artırmağı planlaşdırır.

Bütövlükdə 2021-ci il Qələbəmizin müxtəlif sahələrdə möhkəmləndirilməsi istiqamətində atılan addımlarla yadda qaldı”, - deyə Fazil Mustafa bildirib.




Baxış sayı: 673
Fon der Lyayen: Avropa Ukrayna ilə bağlı sülh danışıqlarında iştirak edəcək Bu gün, 10:30 Azərbaycan filmi Haaqa Beynəlxalq Film Festivalının qalibi olub Bu gün, 09:30 Vətən Müharibəsi Qəhrəmanı Zaur Nudirəliyevin xatirəsi anılıb Bu gün, 08:00 Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00 "Rəqəmsal Media Ayı" çərçivəsində növbəti təlim proqramına başlanılıb 11-11-2026, 18:00
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30