FACT-INFO.AZ » XƏBƏR » Sakit Məmmədovun "Qarabağnamə"si
19-11-2021, 09:20 | XƏBƏR
Sakit Məmmədovun "Qarabağnamə"si

Bu il həmçinin mədəniyyət tariximizdə də bir çox uğurlu, yaddaqalan mədəniyyət layihələri, mədəni tədbirlər baş tutdu. Fikrimcə, bu tədbirlər siyahısında Xalq rəssamı Sakit Məmmədovun ərsəyə gətirdiyi möhtəşəm "Qarabağnamə" tablosunun təqdimat mərasimi xüsusi yer tutur. Özünəməxsus yaradıcılıq üslubu ilə seçilən, məxsusi yaradıcılıq dəsti-xəttinə malik, əsərləri ilə geniş tanınan, rəssamlıq sənətimizi beynəlxalq aləmdə uğurla nümayiş etdirən, dünya şöhrətli rəssamımız Sakit Məmmədov xalqımızın şanlı qələbəsinə həsr etdiyi, minillik tariximizi özündə əks etdirən, sanki özündə min bir naxış elementini sezdirən qədim xalçalarımızı xatırladan, olduqca heyranedici və diqqətçəkən tablo - "Qarabağnamə" əsərini yaratmışdır. Bu tablo özünün orijinal kompozisiya quruluşu, zəngin kolorit həlli və çoxfiqurlu obrazlar dünyası ilə seçilir və təsviri sənət tariximizdə müqayisə olunmaz uğurlu sənət əsərlərindən biridir.

Əsər bədii estetik təsir qüvvəsi və məna - məzmun tutumu ilə misilsiz əhəmiyyətə malikdir. Rəssamın bu tablosunu seyr edərkən doğma Azərbaycanmızın səfalı təbiəti, ecazkar təbii mənzərələri, şanlı tariximiz, tarixi qəhrəmanlarımız, dövlət xadimlərimiz, dastanlarımızdan süzülüb gələn qəhrəmanlıq səhnələri, nağıllarımızı xatırladan sirli-sehrli aləm gözlərimiz önündə canlanır. Sakit Məmmədov bu tabloda kətan üzərində rənglərin incə çalarları ilə Azərbaycan süitasını yaradıb desək, həqiqəti söyləmiş olarıq. Tabloya tamaşa edən seyrçi uzun müddət əsərin təsiri altında xoş duyğular keçirir, fərəhlənir, qürur duyur, fəxarət hissi yaşayır.

İncəsənət tariximizdə milli tarixi mövzularda yaradılmış təsviri sənət əsərləri azlıq təşkil edir. Təəssüf ki, bu bir reallıqdır. Bu baxımdan belə sənət əsərlərinin yaradılmasına böyük ehtiyac vardır.

Rəssam sanki təsviri sənət nümunəsi timsalında rənglərin dili ilə tarixi epopeyamızı kətanda canlandırıb. Çoxəsrlik tarixi qəhrəmanlarımızın, dövlət və mədəniyyət xadimlərimizin, minillik mədəniyyət nümunələrimizin diqqəti cəlb edən surətlərini bədii biçimdə, estetik zövq aşılayan formada kətanda məharətlə əks edib. Bu sənət əsərinin bir özəlliyi də ondan ibarətdir ki, tablo tamaşaçısına hicran, həsrət, dəhşət, qorxu, kədər deyil, qürur, inam, əzmkarlıq, rəşadət hissləri ilə dolu enerji bəxş edir. Qeyd etmək olar ki, bu əsər zəfər tariximizi özündə bütün incəlikləri ilə təcəssüm etdirən canlı həyat lövhəsidir.

Sakit Məmmədov təsviri sənət tariximizdə bir çox uğurlara imza atıb. Onun xarici ölkələrdə təşkil olunan fərdi yaradıcılıq sərgiləri, təltif olunduğu yüksək orden və medallar, mükafatlar rəssamın özünün şəxsi uğurları olmaqla yanaşı, həmçinin bütövlükdə ölkəmizin mədəniyyətinin dünyada layiqli təbliği istiqamətində qazanılmış uğurlardır.

Sakit Məmmədovun bədii yaradıcılıq fəaliyyəti haqqında sənətşünas və sənət adamları çox yazıblar, ən yüksək fikirlər söyləyiblər. Lakin inanırıq ki, rəssam hələ sonuncu, ən mükəmməl əsərini yaratmayıb. Bu, belədir. Rəssam hər an axtarışdadır, həmişə yeni sənət əsərləri yaratmaq eşqindədir. Bu yaradıcılıq şövqü onu daim yeni, daha mükəmməl sənət əsərləri yaratmağa ilhamlandırır. Biz də bu yolda Xalq rəssamı Sakit Məmmədova yeni-yeni yaradıcılıq uğurları arzulayırıq.

Əsəd QULİYEV

Sənətşünas, AMEA-nın dissertantı, Rəssamlar İttifaqının üzvü




Baxış sayı: 772
Azərbaycan filmi Haaqa Beynəlxalq Film Festivalının qalibi olub Bu gün, 09:30 Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00 "Rəqəmsal Media Ayı" çərçivəsində növbəti təlim proqramına başlanılıb 11-11-2026, 18:00 İrəvandakı tarixi Göy məsciddə müsəlman dini mərasimi ilə bir araya sığmayan tədbirin keçirilməsi vandalizmdir - QMİ 11-11-2026, 16:30 Prezident İlham Əliyev və birinci xanım Mehriban Əliyeva COP31-in Liderlər Sammitində iştirak ediblər 11-11-2026, 16:00
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30