FACT-INFO.AZ » QHT » Daşkənddə “İrəvanın susmayan yaddaşı: siyasi məcburiyyət və yurd dərdi” romanının özbək dilində nəşri təqdim olunub
4-11-2026, 20:00 | QHT
Daşkənddə “İrəvanın susmayan yaddaşı: siyasi məcburiyyət və yurd dərdi” romanının özbək dilində nəşri təqdim olunub

Daşkənd Oriental Universitetində yazıçı Güllü Məmmədovanın “İrəvanın susmayan yaddaşı: siyasi məcburiyyət və yurd dərdi” adlı tarixi-sənədli romanının özbək dilində nəşrinin təqdimat mərasimi keçirilib.

Əsərdə qədim Azərbaycan torpağı olan İrəvanın tarixi taleyi, müxtəlif dövrlərdə azərbaycanlıların öz qədim yurd yerlərindən qovulması və bölgənin tarixi irsi işıqlandırılır.

Tədbir çərçivəsində Qərbi Azərbaycandan deportasiya və yurd həsrəti mövzusuna həsr olunmuş fotosərgi təşkil edilib. Sərgidə Qərbi Azərbaycanın tarixi-mədəni irsini və deportasiya ilə bağlı həqiqətləri əks etdirən fotoşəkillər nümayiş olunub.

Azərbaycanın Özbəkistandakı səfirliyinin tabeliyində Heydər Əliyev adına Azərbaycan Mədəniyyət Mərkəzinin direktoru, tarix üzrə fəlsəfə doktoru Akif Marifli çıxış edərək, qədim Azərbaycan torpağı olan İrəvanın tarixən azərbaycanlıların yaşadıqları mühüm mədəniyyət mərkəzlərindən biri olduğunu bildirib. Qeyd edib ki, 1905–1906-cı, 1918–1920-ci, 1948–1953-cü və 1988–1991-ci illərdə baş verən deportasiyalar nəticəsində Qərbi Azərbaycanda yaşayan azərbaycanlılar doğma ata-baba yurdlarından zorla didərgin salınıblar.

O vurğulayıb ki, həmin tarixi yaddaş və yaşanmış talelər əsərin ideya məzmununda da öz əksini tapıb. A.Marifli əsərin özbək dilinə tərcümə edilərək nəşr olunmasının Azərbaycan xalqının tarixi-mədəni irsinin və milli kimliyinin beynəlxalq ictimaiyyətə çatdırılması baxımından mühüm əhəmiyyət daşıdığını bildirib. Həmçinin belə nəşrlərin Azərbaycan və Özbəkistan xalqları arasında qədimdən formalaşmış mədəni-humanitar münasibətlərin inkişafına töhfə verdiyini qeyd edib.

Oriental Universitetinin rektoru, tarix üzrə fəlsəfə doktoru Nozimjon Mamataxunov nəşrin Azərbaycan mədəni irsinin öyrənilməsi və bu istiqamətdə elmi araşdırmaların aparılması, eləcə də tələbə və tədqiqatçılar üçün dəyərli mənbə olduğunu qeyd edib.

Tədbirdə, həmçinin Oriental Universitetinin elmi işlər və innovasiyalar üzrə prorektoru, professor Malika Nosirova, ali təhsil ocağının gənclərlə iş və mənəvi-maarifçilik işləri üzrə birinci prorektoru Baxtiyor Arabov, Özbəkistan Elmlər Akademiyasının Özbək dili, ədəbiyyatı və folklorşünaslığı institutunun nümayəndəsi, professor Ulug‘bek Hamdam, filologiya üzrə fəlsəfə doktoru, Xaqani Şirvani adına Türkologiya Elmi-Tədqiqat Mərkəzinin direktoru, dosent Marufcan Dostmurodov, tərcüməçi-publisist Pirmuhammad Xolmatov, eləcə də universitetin doktorantları və tələbələri çıxış ediblər. Çıxışlarda əsərin mövzusunun aktuallığı, tarixi yaddaşın qorunmasının vacibliyi və romanın özbək dilində nəşrinin oxucular üçün əhəmiyyəti qeyd olunub.

Yazıçı Güllü Məmmədova romanın yaranma tarixi və ideya məzmunu, qədim Azərbaycan yurdu İrəvanın tarixi, əsərdə əks olunan talelər, eləcə də kitabın özbək dilində nəşrinin əhəmiyyəti barədə məlumat verib. Müəllif tədbirdə iştirakçılarının suallarını cavablandırıb.

Təqdimat mərasimində Heydər Əliyev adına Azərbaycan Mədəniyyət Mərkəzinin “Qarabağ Zəfəri” Rəqs Ansamblı tərəfindən Zəngəzurun tarixi-mədəni irsini yaşadan “Zəngəzur yallısı” təqdim olunub.

Mərasim yazıçı Güllü Məmmədovanın tədbir iştirakçıları üçün kitablarını imzalaması ilə başa çatıb.




Baxış sayı: 115
COP31-də növbəti tematik gün maliyyə və ticarət məsələlərinə həsr olunub Bu gün, 14:30 Media və Yayım Şurası açıqlama yayıb Bu gün, 14:30 Qarabağ təbiətinin şəfa mənbəyi Bu gün, 11:30 Baş prokuror Binəqədi rayonunda vətəndaşların müraciətlərini dinləyəcək Bu gün, 11:30 Bakıda “Eternity-2026” təliminin açılışı olub Bu gün, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib Bu gün, 09:30 Bir əsrin işığında türkologiya Dünən, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib Dünən, 18:30 12 noyabr – Konstitusiya Günü Dünən, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib Dünən, 18:30 Prezident İlham Əliyev Dublində Volodimir Zelenski ilə görüşüb Dünən, 16:00 Qərbi Azərbaycana həsr olunmuş kitab əcnəbi dildə nəşr edilib Dünən, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib Dünən, 10:00 “IRS-Naslediye” jurnalının yeni nömrəsi işıq üzü görüb Dünən, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib Dünən, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər Dünən, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00 "Rəqəmsal Media Ayı" çərçivəsində növbəti təlim proqramına başlanılıb 11-11-2026, 18:00 İrəvandakı tarixi Göy məsciddə müsəlman dini mərasimi ilə bir araya sığmayan tədbirin keçirilməsi vandalizmdir - QMİ 11-11-2026, 16:30 Prezident İlham Əliyev və birinci xanım Mehriban Əliyeva COP31-in Liderlər Sammitində iştirak ediblər 11-11-2026, 16:00 Xəzərin səviyyə tərəddüdləri və Günəş fəallığı, yeni tədqiqatlar 11-11-2026, 14:30 "Zəfərin səsi, qürurun nəğməsi” adlı videoçarx hazırlanıb 11-11-2026, 10:00 Qazaxıstanın Aktau şəhərində Zəfər Günü qeyd olunub 11-11-2026, 09:30 Zelenski: Ukrayna və Rusiya genişmiqyaslı əsir mübadiləsini müzakirə edib 11-11-2026, 09:30 Prezident İlham Əliyev Ərdoğana başsağlığı verib 11-11-2026, 08:30 Əxlaqın ağırlığı 10-11-2026, 21:00 Prezidentin sosial media hesablarında Türkiyə-Azərbaycan münasibətləri ilə bağlı videoçarx paylaşılıb 10-11-2026, 12:00 Zəfərin işığında ucalan ömür 10-11-2026, 11:30 Xankəndi şəhər stadionunda yenidənqurmadan sonra keçiriləcək ilk rəsmi oyunun vaxtı açıqlanıb 10-11-2026, 11:00 Gəncə Dövlət Filarmoniyasının səhnəsindən iki gün 9-11-2026, 19:30
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30