Ukrayna Prezidenti Volodimir Zelenski bildirib ki, Ukrayna və ABŞ nümayəndə heyətləri bu həftənin sonunda sülh planının müddəaları üzərində işi davam etdirəcək və gələn həftə onun iştirakı ilə mühüm danışıqlar keçiriləcək.

Fact-info.az xəbər verir ki, Zelenski bu barədə teleqram kanalında yayımlanan videomüraciətində məlumat verib.

“Komandamız Amerika nümayəndələri ilə birlikdə həftənin sonunadək Cenevrə danışıqları nəticəsində əldə etdiyimiz razılaşmaları bizi sülhə və təhlükəsizlik təminatlarına yaxınlaşdıracaq şəkildə inkişaf etdirməyə davam edəcək. Nümayəndə heyətlərinin görüşü keçiriləcək. Ukrayna nümayəndə heyəti bu görüşə yaxşı hazırlaşacaq və əsaslı işə sadiq olacaq. Hazırda Amerika tərəfi və Avropadakı dostlarımızla əlaqə saxlayırıq”, – deyə dövlət başçısı bildirib.

“O da var ki, gələn həftə yalnız nümayəndə heyətlərimiz arasında deyil, həm də mənim iştirakımla vacib danışıqlar aparılacaq. Biz bu danışıqlar üçün möhkəm baza formalaşdırırıq”, – deyə o əlavə edib.