AMEA Məhəmməd Füzuli adına Əlyazmalar İnstitutunun Şəxsi arxivlərin tədqiqi şöbəsinin təşəbbüsü ilə Azərbaycan ədəbiyyatının görkəmli nümayəndəsi, maarifpərvər şair Seyid Əzim Şirvaninin 190 illik yubileyinə həsr olunmuş tədbir keçirilib.
Fact-info.az xəbər verir ki, tədbiri giriş nitqi ilə institutun elmi işlər üzrə direktor müavini dosent Əkrəm Bağırov ədəbiyyat tariximizin inkişafında mühüm rol oynamış görkəmli ədib və filosof Seyid Əzim Şirvaninin ədəbi-bədii irsindən söz açıb. Qəzəllərində həyat sevgisi, nikbin əhval-ruhiyyə və dini etiqadın xüsusi yer tutduğunu diqqətə çatdıran alim, şairin öz zəngin yaradıcılığı ilə Azərbaycan ədəbiyyatı tarixinə qızıl səhifələr əlavə etdiyini vurğulayıb.
Şəxsi arxivlərin tədqiqi şöbəsinin və Multidissiplinar əlyazmaların tədqiqi şöbəsinin mütəxəssisləri məruzələrində Seyid Əzimin pedaqoji fəaliyyətindən, dini-fəlsəfi görüşlərindən bəhs edib, şairin irsinin cünglərdə təsvirindən və bu irsə multidissiplinar yanaşmadan söz açıblar.
Sonda tədbir iştirakçıları İnstitutun ekspozisiya zalında Əlyazmaların elmi ekspozisiyası və təqdimi və Şəxsi arxivlərin tədqiqi şöbələrinin birgə hazırladıqları “Seyid Əzim Şirvani – 190” adlı sərgi ilə tanış olublar. Sərgidə görkəmli ədibin şəxsi arxiv materialları, əsərlərinin əlyazma nüsxələri, portreti və fotoları nümayiş olunub.
Baxış sayı: 70
Media and Broadcasting Council urges media to cite official sources in reports on President
Two books on Yerevan’s history added to US Library of Congress catalogue
Farid Shafiyev: Azerbaijan proved that peace is achievable through direct talks with Armenia
Azerbaijan’s historical and cultural heritage presented to American students in Washington
Azerbaijan calls for international support in humanitarian demining efforts