Nikolun həyata keçirdiyi situativ siyasəti, regiona sabitlik gətirməyəcək illüziyaları, bir sözlə nala–mıxa vurması ilə bağlı demək olar ki, hər gün yazılır, danışılır. Real vəziyyət ondan ibarətdir ki, Cənubi Qafqaz regionunda kövrək sabitlik üçün təhlükələr artmaqda davam edir. Paşinyan artıq açıq şəkildə Ermənistanı silahlandırmaq yolunu tutub. Avropa İttifaqının Ermənistandakı missiyasının mandatı daha iki il müddətinə uzadılıb. Bu missiya əslində Paşinyanın silahlandırma prosesində özünü daha rahat hiss etməsinə dəstək olmaqla bərabər, sülh danışıqlarını uzatmaqla özünə təhlükəsizlik çətiri yaratmaq cəhdindən xəbər verir.

Digər tərəfdən Ermənistanda separatçı ünsürlərin mütəmadi olaraq yığılıb qondarma "Arçax"ı diriltmək cəhdləri ilə bağlı məlumatlar yayılır. Belə məkrli, təxribatçı addımların heç bir gələcəyi olmasa da, sülh prosesinə əngəl yaratmaq, nisbi sabitliyi pozmaq cəhdidir. Həmçinin belə addımlar Azərbaycana gələcəkdə təzyiq alətləri kimi də istifadə oluna bilər. Bir sözlə möhkəm, davamlı sülhü regionda gözləmək əbəsdir. Müşahidələr göstərir ki, hay toplumu düzələnə oxşamır.

Reallıq onu göstərir ki, hay məmləkətinin silahlanması, Paşinyanın belə davranışları əksinə müharibə riskini gündən-günə artırır. Deməli, zəhərli ilanın başı mütləq əzilməlidir. İstər diplomatik sferada, istərsədə də hərb meydanında davamlı, qabaqlayıcı addımların atılması zəruridir. Biz gözləməməliyik ki, Ermənistan sürətlə silahlansın və bir gün Azərbaycana qarşı iddialı tələblər irəli sürsün. Arxayınçılıq, mövcud silahlanma prosesinə əhəmiyyət verməmək yaxşı gələcək vəd etmir.

Əkrəm Bəydəmirli