Avrasiyanın aparıcı tranzit qovşağına çevrilmiş ölkəmiz üçün tranzit və nəqliyyat dayanıqlı inkişafın ən mühüm ilkin şərtləridir.

Fact-info.az xəbər verir ki, bu barədə Qazaxıstan prezidenti Kasım-Jomart Tokayev Birləşmiş Ərəb Əmirliklərinin paytaxtında Əbu-Dabidə keçirilən Dayanıqlılıq Həftəsində çıxışı zamanı deyib.

“Biz nəqliyyat infrastrukturuna, o cümlədən avtomobil yollarına, dəmir yollarına, hava limanlarına və dəniz limanlarına fəal şəkildə sərmayə qoyuruq. Kommunikasiya imkanlarını daha da genişləndirmək məqsədilə Qazaxıstan Transxəzər Beynəlxalq Nəqliyyat Marşrutunu və Şimal-Cənub Nəqliyyat Dəhlizini inkişaf etdirmək, həmçinin “Bir kəmər və bir yol” təşəbbüsündə əsas rol oynamaq niyyətindədir”, - prezident əlavə edib.

O, bildirib ki, təkcə regional əlaqəni gücləndirən deyil, həm də davamlı iqtisadi artımı təmin edən davamlı təchizat zəncirləri yaratmağı hədəfləyirik.