Britaniya mediası Azərbaycan Prezidenti İlham Əliyevin dekabrın 25-də Bakı-Qroznı reysini yerinə yetirən AZAL-a məxsus sərnişin təyyarəsinin qəzaya uğraması ilə bağlı AzTV-yə müsahibəsini geniş işıqlandırıb.
Britaniyanın “BBC”, “Sky News”, “The Independent”, “Guardian” kimi nüfuzlu media orqanlarında Prezident İlham Əliyevin fikirləri geniş əks olunub.
Materiallarda Prezident İlham Əliyevin təyyarənin Aktau yaxınlığında qəzaya uğraması ilə bağlı dediyi fikirlər yer alıb. Dövlətimizin başçısının Azərbaycanın mülki təyyarəsinin Rusiya ərazisində, Qroznı şəhərinin yaxınlığında xaricdən zədə almasını və təyyarəmizin radioelektron mübarizə vasitələri tərəfindən idarəolunmaz vəziyyətə salındığını qeyd etdiyi bildirilib.
Müsahibə zamanı Azərbaycan Prezidentinin təyyarənin Rusiya tərəfindən qəsdən vurulduğunu güman etmədiyi bildirilib. Qeyd olunub ki, dövlət başçısı ilk üç gün ərzində Rusiyadan cəfəng versiyalardan başqa heç nə eşitmədiklərini deyib.
Xəbərlərdə Prezident İlham Əliyevin Rusiyanın bəzi qurumlarının hadisəni ört-basdır etməyə çalışdığını vurğulaması diqqət çəkib. Prezident, hadisənin ilk günlərində Rusiyanın qaz balonunun partlaması və ya quş sürüsünə çırpılma kimi “cəfəng və uydurma versiyalar” irəli sürməsini tənqid edib. Dövlət başçısının “Füzelyajın dəlik-deşik olması quş versiyasını tamamilə gündəlikdən çıxarır”,- sözləri geniş şəkildə sitat gətirilib.
Baxış sayı: 95
Media and Broadcasting Council urges media to cite official sources in reports on President
Two books on Yerevan’s history added to US Library of Congress catalogue
Farid Shafiyev: Azerbaijan proved that peace is achievable through direct talks with Armenia
Azerbaijan’s historical and cultural heritage presented to American students in Washington
Azerbaijan calls for international support in humanitarian demining efforts