Almaniya Gürcüstanın Avropaya inteqrasiyadan imtina etməsi və etirazların yatırılması səbəbindən bu ölkədə 237 milyon avro dəyərində layihələrin maliyyələşdirilməsini dayandırıb.

Fact-info.az TASS-a istinadən xəbər verir ki, bu barədə Almaniyanın Gürcüstandakı səfiri Peter Fişer X sosial şəbəkəsində paylaşım edib.

Onun sözlərinə görə, bu qərar Gürcüstanın avrointeqrasiyanı məhdudlaşdırmağa və etirazları yatırmağa yönəlmiş siyasi kursunun dəyişməsi ilə bağlıdır.

Səfir bildirib ki, Batumidə yaşıl hidrogen, enerji şəbəkəsi və su infrastrukturunun inkişafı ilə bağlı layihələrin maliyyələşdirilməsi dayandırılıb.

O vurğulayıb ki, Almaniya İqtisadi Əməkdaşlıq və İnkişaf Nazirliyi Sveni Şultsenin rəhbərliyi altında Gürcüstanın hərəkətlərinə cavab olaraq belə qərar qəbul edib.