4-7-2025 13:50
FACT-INFO.AZ » XƏBƏR » "Beynəlxalq siyasətdə Azərbaycanın mövqeyi beynəlxalq qanunlara əsaslanır"
21-12-2024, 15:00 | XƏBƏR
"Beynəlxalq siyasətdə Azərbaycanın mövqeyi beynəlxalq qanunlara əsaslanır"

Azərbaycan Respublikasının Prezidenti İlham Əliyevin “Россия сегодня” telekanalına verdiyi müsahibə hazırda dünyada baş verən proseslərlə bağlı Azərbaycanın mövqeyini açıqlamaq baxımından kifayət qədər informativdir. Rusiya telekanalını maraqlandıran suallar sadəcə Azərbaycan - Rusiya münaibətlərinin mövcud durumu ilə məhdudlaşmadı.


Müsahibədə bu yaxınlarda ölkəmizdə böyük uğurla təşkil olunmuş COP-29 qlobal iqlim Konfransı, Azərbaycan - Ermənistan münasibətləri, Rusiya-Ukrayna müharibəsi, Azərbaycanın enerji siyasəti, qonşu Gürcüstanda baş verən hadisələr, Fransanın müstəmləkəçilik siyasəti və Azərbaycana qarşı qərəzli addımları kimi məsələlərə aydınlıq gətirildi. Prezident İlham Əliyev 2-ci dünya müharibəsindən sonra yaranmış qlobal balansın son onilliklər ərzində pozulduğunu və dünyanın tamamilə yeni, amansız və beynəlxalq hüquqa əsaslanmayan bir rəqabət dövrünə daxil olduğunu bildirdi.

Doğrudan da, Sovet İttifaqının süqutu ilə ikiqütblü dünya sisteminin sona çatması və bu fonda təkqütblü dünya sisteminin yaradılmasına edilən cəhdlər dünyanın bütün bölgələrində ciddi müqavimətlə qarşılaşır. Çin, Hindistan, Braziliya, Türkiyə kimi ölkələrin dünyanın idarə edilməsi prosesində rol almaq təşəbbüsləri köhnə dünyanın neo-imperialist düşüncəli siyasi sistemləri tərəfindən qısqanclıqla qarşılanır. Kollektiv Qərb təkcə öz ərazisində deyil, bütün dünya üzərində özünün dominantlığını rəsmən təsbit etmək və gələcək dövrlər üçün də qoruyub saxlamağa çalışır. NATO və AB-nin planlı şəkildə Şərqə doğru genişlənməsi də bu cəhdlərin praktiki təzahürüdür. Bu prosesdə Qərbdən asılı dövlətlərdən qonşu dövlətlərə qarşı təxribatlar törədilməsi və hibrid müharibələrin aparılması üçün geniş şəkildə istifadə olunur. Bu baxımdan, Cənubi Qafqaz regionunda Ermənistanın məhz bu məqsədlə Qərb tərəfindən xüsusi himayə altına alınmasını, xüsusilə Fransa, ABŞ və Hindistan tərəfindən Ermənistanın silahlandırılmasını, Qərbin “vətəndaş cəmiyyəti” adı altında şəbəkələndirdiyi təsisatlatlar vasitəsilə Gürcüstanda ictimai-siyasi sabitliyi pozmaq cəhdlərini Qərbin Şərq istiqamətində həyata keçirdiyi hibrid hücumlar kimi qiymətləndirmək daha doğru olar.

Azərbaycan Prezidenti İlham Əliyev Azərbaycan – Fransa münasibətləri ilə bağlı suallara cavab verərkən Fransa prezidenti Makronun apardığı daxili və xarici siyasəti iflas siyasəti kimi xarakterizə etdi. Fransanın müstəmləkə ərazilərində aborigen xalqlara qarşı diskriminasiya siyasəti yürütdüyünü vurğulayan Prezident İlham Əliyev Fransa hökümətinin apardığı siyasətin beynəlxalq hüquq normalarına, insan azadlıqları və hüquqları barədə bütün dünya tərəfindən qəbul olunmuş hüquqi sənədlərin tələblərinə uyğun gəlmədiyini bildirdi.

Gürcüstanda baş verən hadisələrə münasibət bildirən ölkə başçısı bütün ölkələrin, o cümlədən Qərb dövlətlərinin digər ölkələrin daxili işlərinə qarışmamaq haqqında üzərinə götürdükləri öhdəlikləri xatırladaraq bildirdi ki, Gürcüstanda baş verən qarşıdurmalar məhz kənar müdaxilənin nəticəsidir.

Əlbəttə, Azərbaycanın strateji tərəfdaşı kimi Gürcüstanda baş verən hadisələrə ölkəmizdə xüsusi diqqət var və bu da təbiidir. Son onilliklər ərzində Azərbaycan höküməti tərəfindən həyata keçirilən regional və qlobal miqyaslı iqtisadi layihələrin, o cümlədən nəqliyat-logistika marşrutlarının məhz Azərbaycan – Gürcüstan – Türkiyə əməkdaşlıq formatında həyata keçirilməsi beynəlxalq və regional təhlükəsizliyə verilən böyük töhfədir. Bu kimi layihələr Qərblə Şərq arasında qarşılıqlı əməkdaşlıq zəminində bağlılığın təmin olunması baxımından bütövlükdə Avrasiya üçün həyati əhəmiyyət kəsb edir. Göründüyü kimi, bölgə ölkələri bu bağlılığı təmin etməyin yolunu məhz qarşılıqlı əməkdaşlıqda görür və müxtəlif layihələrə və formatlara qoşulmaqla bölgədə qarşılıqlı əməkdaşlığı təşviq edirlər. Qərb dövlətləri isə belə bir bağlılığın bölgə ölkələrinin suveren hüquqlarına məhəl qoymadan onları öz təsiri altına almaqla həyata keçirilməsinə üstünlük verirlər. Prezident Qərb dövlətlərinin və onların manipulyasiya alətləri olan bir sıra beynəlxalq təşkilatların Gürcüstanda sabitliyi pozmaq cəhdlərini “Qafqaz uğrunda döyüş” adlandırıb.

Faktiki olaraq 1991-ci ildən bəri bir sıra hallarda Qərbin maraqları baxımından “uğurla” həyata keçirilmiş “yumşaq güc” siyasətinin artıq işləmədiyi bir dövdə Qərb Şərqə qarşı diktat yolunu seçib və getdikcə diktat arealını genişləndirməyə çalışır. Prezident İlham Əliyevin müsahibəsindən gəlinən nəticə ondan ibarətdir ki, belə yanaşma beynəlxalq qanunlara ziddir və suveren dövlətlər və o cümlədən Azərbaycan tərəfindən qəbuledilməzdir.

Beləliklə, Azərbaycan Prezidenti İlham Əliyevin “Россия сегодня” telekanalına verdiyi müsahibə Azərbaycanın daxili və xarici siyasətinin əsas parametrlərini anlamaq və dünyada gedən siyasi-iqtisadi proseslərə Azərbaycanın münasibətinin öyrənilməsi və dəyərləndirilməsi baxımından kifayət qədər faydalı bir mənbədir. Prezidentin açıqlamalarını xaricdən ölkəmizin daxili işlərinə müdaxilə etməyə və Cənubi Qafqazda sabitliyi pozmağa cəhd göstərən qüvvələrə mesaj kimi də dəyərləndirmək olar. Azərbaycan lideri Cənubi Qafqazda gərginlik yaratmaq istəyən qüvvələr və ölkələrə öz mesajlarını verdi. Qalır nəticə çıxarmaq.

Cavanşir Feyziyev, Milli Məclisin deputatı




Baxış sayı: 130
Xankəndi Sammiti həm də Azərbaycanın beynəlxalq aləmə zəruri mesajıdır Bu gün, 17:00 Qarabağ Azərbaycan, Azərbaycan Qarabağdır! – Ersin Tatar Bu gün, 16:30 Prezident İlham Əliyev: Azərbaycan ECO-nun işində həmişə fəal iştirak edib Bu gün, 16:30 "Ümid edirəm ki, ABŞ regionda uzun müddətdir gözlənilən sülhə fundamental töhfə verəcək" Bu gün, 12:30 Məişət zorakılığına qarşı maarifləndirici tədbir keçirilib Bu gün, 11:00 Qazaxıstanlı ekspert: ECO ticarət dövriyyəsinin artımı və investisiyaların cəlbi üçün platforma rolunu oynayır - MÜSAHİBƏ Bu gün, 11:00 Pərvanə Salmanqızı: "Tarixin yaddaşında silinməz iz buraxan şəxsiyyət Nadir Şah" Bu gün, 09:00 “Anadolu Qartalı - 2025” beynəlxalq təlimi ilə bağlı mətbuat konfransı keçirilib Bu gün, 08:00 Azərbaycan, Özbəkistan və Qırğızıstan prezidentləri Şahbulaq qalasında olublar Dünən, 22:00 Testimonies heard in court regarding torture inflicted by Armenian armed forces on captured Azerbaijanis Dünən, 18:30 На суде заслушаны показания о пытках, которым подвергались азербайджанцы, взятые в плен и заложники вооруженными силами Армении Dünən, 18:00 Əsir düşən azərbaycanlılara verilən işgəncələrlə bağlı məhkəmədə ifadələr dinlənilib Dünən, 16:00 Əməkdar artist Sahib Paşazadə “Özbəkistanın mədəniyyət elçisi” medalı ilə təltif edilib Dünən, 11:30 Seyid Əzim Şirvaninin anadan olmasının 190 illiyi çərçivəsində silsilə materiallar hazırlanıb Dünən, 10:30 Azərbaycan–Özbəkistan strateji tərəfdaşlığı yeni mərhələdə Dünən, 10:00 Lord Con Alderdays: Böyük Britaniya Azərbaycan və Mərkəzi Asiya ilə əməkdaşlığını dərinləşdirməyə sadiqdir Dünən, 08:00 Ayxan Hacızadə: Rusiyanın rəsmi müraciətlərinə Azərbaycan tərəfindən cavab verilmədiyi iddiaları əsassızdır 2-07-2025, 21:30 Azərbaycan və Özbəkistan Prezidentləri mətbuata bəyanatlarla çıxış edib 2-07-2025, 21:00 XİN: Qanun pozuntuları ilə bağlı Rusiya tərəfindən obyektiv araşdırma aparılacağını və günahkarların cəzalandırılacağını gözləyirik 2-07-2025, 18:00 Azərbaycana bugünkü səfərim tarixi xarakter daşıyacaq - Mirziyoyev 2-07-2025, 17:30 "Səfərov qardaşları posttravmatik şokdan vəfat edib, bu, çoxsaylı xəsarətdən olur" - Müstəntiq 2-07-2025, 12:00 Azərbaycan Polisi – Dövlətin Sütunu, Xalqın Güvən Yeridir 2-07-2025, 11:30 Zaman fərqi olsa da, repressiyalar oxşardır 2-07-2025, 11:00 Zelenski Rusiyaya qarşı tribunal üzrə sazişi təsdiqlədi 2-07-2025, 08:00 Samir Şərifov: Postmünaqişə dövründə iqtisadi bərpa kəskin problemə çevrilir, Azərbaycan da bununla üzləşir 1-07-2025, 18:00 Rəsmi Bakı Rusiya Prezidentinin xüsusi nümayəndəsinə cavab verib 1-07-2025, 17:00 İqtisadi Əməkdaşlıq Təşkilatının Gənclər Forumunun nümayəndə heyəti Ağdama səfər edib 1-07-2025, 11:00 İstanbulda dini dəyərləri təhqir edən jurnalla bağlı istintaq başladılıb 1-07-2025, 10:30 Mahmud Kaşqari adına Beynəlxalq Fondun yeni nəşrləri ictimaiyyətə təqdim olunub 1-07-2025, 10:30 Ukraynanın nüfuzlu “UA Perşiy” telekanalında Rusiyanın şovinist siyasəti pislənilib 1-07-2025, 10:00
Köşə yazarları
Təqvim
«    İyul 2025    »
BeÇaÇCaCŞB
 123456
78910111213
14151617181920
21222324252627
28293031