Cümə axşamı Astanada Qazaxıstanın Baş naziri Oljas Bektenov və Gürcüstanın Baş nazirinin birinci müavini, iqtisadiyyat və davamlı inkişaf naziri Levan Davitaşvili arasında keçirilən görüşdə tranzit-nəqliyyat sektorunun inkişaf perspektivləri müzakirə edilib.
AZƏRTAC Qazaxıstanın Baş nazirinin rəsmi informasiya resursuna istinadla xəbər verir ki, Oljas Bektenov Qazaxıstan və Gürcüstanın Trans-Xəzər Beynəlxalq Nəqliyyat Marşrutunun (Orta Dəhliz) inkişafı çərçivəsində fəal əməkdaşlıq etdiyini qeyd edib.
“Bu marşrut üzrə yüklərin daşınması ötən il 65 faiz, bu ilin 8 ayı ərzində isə 69 faiz artaraq 2,9 milyon tona çatıb”, - deyə o bildirib.
Baş nazirin sözlərinə görə, Qazaxıstan Respublikası marşrut üzrə yükdaşımaları 10 milyon tona çatdırmağa çalışır. Bunun üçün hökumət tranzit şəraitinin yaxşılaşdırılması üçün ardıcıl tədbirlər görür.
Qazaxıstan hökumətinin başçısı Bakı – Tbilisi - Qars xətti də daxil olmaqla, TBNM marşrutu üzrə rəqabətqabiliyyətli tarif şərtlərinin yaradılması, çatdırılma müddətlərinin azaldılması və nəqliyyatın həcminin artırılması istiqamətində birgə işlərin davam etdirilməsinin vacibliyini qeyd edib.
Bununla yanaşı, nəqliyyat dəhlizinin beynəlxalq daşıyıcılar üçün cəlbediciliyini artıracaq aktiv rəqəmsallaşdırılmanın zəruriliyi vurğulanıb.
Həmçinin Orta Dəhliz kimi də tanınan Trans-Xəzər Beynəlxalq Nəqliyyat Marşrutu Qazaxıstan, Xəzər dənizi akvatoriyası, Azərbaycan, Gürcüstan və Türkiyə vasitəsilə Çin və Avropa ölkələrini birləşdirir.
Baxış sayı: 135
Azerbaijan's Foreign Ministry calls on Russia to thoroughly investigate provocative incident in front of its Embassy
French media highlights President Ilham Aliyev’s visit to Uzbekistan
Washington hosts event on “Cholpon-Ata Summit and Next Steps for Trans-Caspian Cooperation”
President Ilham Aliyev was interviewed by Azerbaijan Television in Nakhchivan
Joint Statement of U.S., Armenia and Azerbaijan in spotlight of Turkish media