“Həyatımın ən gözəl günlərini orada yaşamışam. Şükür ki, yenidən qayıdıram o torpaqlara”. Fact-info.az AZƏRTAC -a istinadən xəbər verir ki, bu fikirləri Laçından olan keçmiş məcburi köçkün Hüsniyyə Hüseynova deyib.

“Sevincimin həddi-hüdudu yoxdur. Bu hissi dilə gətirmək mümkün deyil. Allah bu sevincli günü bütün məcburi köçkünlərə nəsib etsin. Hamı öz yurd-yuvasına, el-obasına qayıtsın”.

H.Hüseynova, həmçinin ona bu günləri yaşadan Azərbaycan Prezidentinə və ordusuna minnətdarlığını bildirib: “Laçın şəhərini tərk edəndə 28 yaşım vardı, ora 61 yaşımda qayıdıram. Doğma yurduma həyat yoldaşım və qızımla dönürəm. Allah Azərbaycan Ordusunu, Prezidentini qorusun”.