Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin  maliyyə dəstəyi ilə “Şans” Regionlara Dəstək İctimai Birliyi “Mina təhlükəsi barədə maarifləndirmə” layihəsi çərçivəsində   10 sentyabr tarixində  Qəbələ rayonunda köçkun qəsəbəsində Kəlbəcər rayon 31 saylı məktəbdə tədbir keçirmişdir.

Həmin toplantıda  tədbirin aparıcısı, tarixçi  İzzət Bayramov mina təhlükəsi haqqında geniş ictimaiyyətin maarifləndirilməsinin zəruriliyi haqqında danışıb. Daha sonra “Mina təhlükəsindən necə qorunmaq olar " adlı videoçarx nümayiş olundu. Həyəcan doğuran, təsir edici videoçarx  insanların psixologiyasına, davranışına təsir etməklə bərabər çox böyük marağa səbəb oldu. Videoçarxın nümayişindən sonra müzakirələr aparıldı. İştirakçılar tərəfindən verilmiş sullar cavablandırıldı.

Daha sonra II Qarabağ müharibəsinin iştirakçısı Əlikram Rəsulov, orta məktəbin direktou Kamil İsmayılov, məktəbin direkdor müavini Racib Rəcəbov və digər şəxslər çıxış edərək layihənin aktuallığını qeyd etdilər. Ümumilikdə, hazırlanmış videoçarx  geniş auditoriyaya, insanların psixologiyasına  ciddi təsir göstərdiyini qeyd etmək olar. Mina dəhşətləri, ondan necə qorunmaq məsələsi geniş auditoriyanı bir  daha  ciddi düşünməyə vadar etdi. Onu da qeyd edək ki, videoçarx sosial şəbəkələr vasitəsilə layihədən sonrakı dönəmdə də geniş yayılacaq.

 Fact-info.az