Bu gün Bakıda Rusiya-Azərbaycan Ekspert Şurasının V iclası keçirilir. Bu platforma 2021-ci ildə yaradılıb və artıq 3 ildir fəaliyyət göstərir. Bu dəfə bir sıra vacib məsələlər müzakirə olunacaq.
Fact-info.az xəbər verir ki, bu barədə jurnalistlərə açıqlamasında Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev deyib.
“Budəfəki tədbirin əsas əlamətdar elementi yeni reallıqda - artıq Azərbaycanın öz əraziləri üzərində suverenliyi tam bərpa etdiyi dövrdə keçirilməsidir. Artıq Azərbaycanın işğaldan azad olunmuş ərazilərində yenidənqurma və bərpa işləri aparılır. Bu il Azərbaycan COP29-a ev sahibliyi edəcək. Bu iclasda bir sıra regional məsələlər, o cümlədən nəqliyyat və digər sahələrə aid vacib məsələlər müzakirə olunacaq”, - deyə F.Şəfiyev əlavə edib.
O bildirib ki, iclasda, həmçinin regional təhlükəsizliklə bağlı müzakirələr aparılacaq. “Burada söhbət qeyri-regional oyunçuların qeyri-konstruktiv fəaliyyətindən gedir. Azərbaycan bütün ölkələrlə əməkdaşlığa açıqdır - istər Avropa, istərsə də hər hansı Qərb ölkəsi olsun. Amma biz konkret olaraq Fransanın, Hindistanın mövqeyindən danışırıq. Bu ölkələrin regiona “töhfəsi” nə sülhə, nə də təhlükəsizliyə xidmət edir”, - deyə BMTM-in sədri diqqətə çatdırıb.
Baxış sayı: 155
Recep Tayyip Erdoğan: We will never forget the pain of the Khojaly tragedy
Commemorative event on the 33rd anniversary of the Khojaly genocide held at Presidential Library
Shehbaz Sharif: Our friendship, political understanding, union of thought and action with Azerbaijan at international levels have been legendary
Trial of persons charged with numerous crimes against the Azerbaijani people continues
President: The entire Karabakh region and the East Zangezur region are reviving, and we see this clearly every day