Məlumdur ki, Azərbaycan bir çox mədəniyyətlərin qovuşduğu bir məkandır. Bu həm dini baxımdan, həm də etnik baxımdan  belədir. Multikultural azərbaycanda digər xalqlarla yanaşı tatlar da, qədim zamanlardan burda yaşayır, yaradır, inkişaf edir və inkişafa töhfə verir.  Məhz bu səbəbdən, tatların məskunlaşma, yaşam tarixi, mədəniyyəti, məişəti, məşqulluğuna müəyyən qədər aydınlıq gətirmək məqsədilə, “Azəri” Tat Mədəniyyət Mərkəzi İctimai Birliyi Qeyri-Hökümət Təşkilatlarına Dövlət    Dəstəyi Agentliyinin maliyyə dəstəyi ilə “Azərbaycanda yaşayan tatların etno-konfesional tarixi” layihəsinin icrasına başlayıb. Layihənin əsas məqsədi Azərbaycanda formalaşan tolerant mühitdə, uzaq keçmişdən başlayaraq, digər etnik quruplarla, xüsusilə çoxluq təşkil edən, türk soyköklü bir xalqla yanaşı yaşayan tatların etnik tarixi, din və dil mənşəyi, Azərbayan ərazisində məskunlaşma tarixi, adət-ənənələri və bu ənənələrin nə dərəcədə qorunub saxlanılmasını təhlil edilməklə təşviq edilməsindən ibarətdir. Bu ərazidə yaşayan tatlar az öyrənilmiş, kifayət qədər tədqiq olunmamışdır. Mənbə qıtlığı çətinlik yaratsa da, birbaşa və bilavasitə mənbələrdən, tədqiqat əsərlərindən istifadə etməklə müəyyən araşdırmalar aparılacaqdır.

Layihə, Azərbaycanda yaşayan tatlarının etnik tarixi, din və dil mənşəyi, Azərbayan ərazisində məskunlaşma tarixi, adət-ənənələri və bu ənənələrin nə dərəcədə qorunub saxlanılmasını özündə ehtiva edən məruzə və çıxışları, Bakı şəhərində, Quba və Xaçmaz rayonlarında marifləndirici tədbirlərin keçirilməsini nəzərdə tutulur. Məqsəd  Azərbaycanda tolerantlıq mühitinin nə qədər zəruri nemət olduğunu nümayiş etdirmək, tolerantlığın Azərbaycan modelini dünyaya örnək olaraq təqdim etməkdir. Layihəni üç ay: iyun-avqust ayları ərzində icra etmək nəzərdə tutulur.

Layihənin icrası məqsədilə “Azəri” Tat Mədəniyyət Mərkəzi İctimai Birliyi müvafiq  müqavilələri imzalamış və layihədə nəzərdə tutulmuş digər tədbirlərin icrasına başlamışdır.

  “Azəri” Tat Mədəniyyət Mərkəzi

İctimai Birliyinin sədri

Elman Əhmədov