13-4-2025 6:9
FACT-INFO.AZ » MEDİA » Prezident İlham Əliyevin Misirə rəsmi səfəri xarici medianın diqqət mərkəzində olub
10-06-2024, 11:30 | MEDİA
Prezident İlham Əliyevin Misirə rəsmi səfəri xarici medianın diqqət mərkəzində olub

Azərbaycan Respublikasının Prezidenti İlham Əliyevin Misir Ərəb Respublikasına rəsmi səfəri, onun misirli həmkarı Əbdülfəttah əs-Sisi ilə apardığı danışıqlar bu ölkənin nüfuzlu qəzet və portallarının, həmçinin telekanallarının diqqət mərkəzində olub.

Fact-info.az xəbər verir ki, rəsmi MENA informasiya agentliyinin səfər haqqında geniş hesabatında, həmçinin Misirin geniş oxucu kütləsinə malik olan “Əl Əhram”, “Cümhuriyə”, “Youm 7”, “Əxbar Əl Youm”, Masravi”, Dostor” qəzetlərində dərc edilən “Azərbaycan Prezidenti Misirlə əlaqələrin yüksək səviyyədə olduğunu qeyd edib”, “Azərbaycanın lideri Misiri mühüm tərəfdaş ölkə adlandırıb” sərlövhəli məqalələrdə dövlətimizin başçısının misirli həmkarı Əbdülfəttah əs-Sisi ilə mətbuata birgə bəyanatının əsas məqamları yer alıb. Misirli oxucuların diqqətinə çatdırılıb ki, Prezident İlham Əliyev keçən il Əbdülfəttah əs-Sisinin Azərbaycana səfərindən sonra baş tutan bu rəsmi səfərin də Misir-Azərbaycan əlaqələrinin inkişafına böyük töhfə verəcəyini, iki dost ölkə arasında siyasi dialoqun müntəzəm xarakter daşıdığını bildirib. O qeyd edib ki, iki ölkənin liderləri siyasi dialoqun bundan sonra da davam etdirilməsinə dair razılıq əldə ediblər.

Materiallarda, həmçinin vurğulanıb ki, Prezident İlham Əliyev misirli həmkarı ilə Cənubi Qafqazdakı prosesləri də müzakirə etdiyini bildirib. Azərbaycanın dövlət başçısı əlavə edib ki, hazırda Azərbaycan və Ermənistan öz dövlət sərhədlərini müəyyənləşdirmək işində müəyyən uğurlara nail olunub. Demək olar ki, 12,7 kilometr dövlət sərhədi razılaşdırılıb. Azərbaycanın Qazax rayonunun otuz ildən çox müddət ərzində işğal altında olmuş dörd kəndi danışıqlar yolu ilə Azərbaycana geri qaytarılıb. Bütün bunları müsbət hal kimi qiymətləndirən Azərbaycan Prezidenti, eyni zamanda, hesab edir ki, danışıqlar prosesində də irəliləyiş üçün yaxşı imkanlar var və hər halda Azərbaycan buna hazırdır.

Məqalələrdə qeyd edilib ki, Azərbaycanın dövlət başçısı, həmçinin Əbdülfəttah əs-Sisini Bakıda keçiriləcək COP29 konfransına dəvət edib. O, bu dəvətin qəbul edilməsinə şad olduğunu deyib, eyni zamanda, Misirin COP27 sədrliyi və ev sahibliyinin böyük uğurla nəticələndiyini vurğulayıb, bu münasibətlə həmkarını təbrik edib. Prezident İlham Əliyev Misirin bu sahədəki təcrübəsini öyrənmək üçün müraciət etdiyini və iki ölkənin nümayəndələrinin daim təmasda olduqlarını deyib.

Prezident İlham Əliyevin rəsmi səfəri “Şuruk”, “Əl Vətən”, “Masrtimes”, “Aleqaria”, “Maspero”, “Əl Qahira”, “Əl Balad” qəzet və portalları tərəfindən də geniş işıqlandırılıb. Bu media orqanlarında Azərbaycanın dövlət başçısının Fələstin məsələsi ilə bağlı rəsmi Qahirənin mövqeyini dəstəklədiyi vurğulanıb. Məqalələrdə Azərbaycan Prezidentinin aşağıdakı fikirləri sitat gətirilib: “Fələstin-İsrail münasibətlərinin tənzimlənməsi və müstəqil Fələstin Dövlətinin yaradılması bizim Qoşulmama Hərəkatına sədrliyimiz dövründə hər zaman diqqət mərkəzində idi, bir çox tədbirlər keçirilmişdir və Azərbaycanın mövqeyi birmənalıdır - müstəqil Fələstin Dövləti qurulmalıdır, Şərqi Qüds onun paytaxtı olmalıdır. Bu gün Qəzzada yaşanan faciə tezliklə dayandırılmalıdır, müharibə dayandırılmalıdır və bütün məsələlər danışıqlar yolu ilə həll olunmalıdır. Mən Prezident əs-Sisiyə bildirdim ki, biz Misirin bu istiqamətlərdəki səylərini dəstəkləyirik və Misir tərəfindən irəli sürülmüş təşəbbüslər diqqətə alınmalıdır”.

Misir mediası, həmçinin Əbdülfəttah əs-Sisinin Cənubi Qafqazda sülhün və təhlükəsizliyin təmin edilməsi ilə bağlı fikirlərinə də geniş yer ayırıb. Oxucuların diqqətinə çatdırılıb ki, Misir Prezidenti azərbaycanlı həmkarına Cənubi Qafqazda sülhün, təhlükəsizliyin təmin edilməsi istiqamətində səylərin vacibliyini və bu səyləri dəstəklədiyini bir daha bildirib. O əlavə edib ki, bu səylər region ölkələrinin və xalqlarının inkişafı üçün böyük töhfə olacaq.

Məqalələrdə vurğulanıb ki, iki dost ölkənin dövlət başçıları müxtəlif sahələrdə iqtisadi, humanitar-mədəni əlaqələrin sürətlə inkişaf etdiyini, qarşılıqlı faydalı əməkdaşlığın geniş perspektivləri olduğunu vurğulayıblar. Belə ki, tərəflər inşaat, nəqliyyat, əczaçılıq, neft və infrastruktur sahələrində mümkün əməkdaşlıq imkanlarını müzakirə edib, həmçinin Azərbaycanla Misir arasında birgə komissiyanın fəaliyyətinin və növbəti iclasının təşkilinin əhəmiyyətini qeyd ediblər. Tezliklə komissiyanın növbəti iclasının keçirilməsi qərara alınıb.

Prezident İlham Əliyevin rəsmi səfər çərçivəsində Qahirədə Əl-Əzhəri Şərifin şeyxi, böyük imam Əhməd Məhəmməd Əhməd Əl Tayyib ilə görüşü də Misir və digər ərəb ölkələrinin mediasının diqqət mərkəzində olub. “Əl Əhram”, “Dostor”, “Əl Qahira”, Səudiyyə Ərəbistanın “”Əş Şarq Əl-Ausət” qəzetləri, həmçinin “Egypt1” dövlət televiziyası, “ExtraNews”, “Nile1” telekanallarının materiallarında Prezident İlham Əliyevin bu görüş əsnasında bütövlükdə ərəb dövlətləri ilə əlaqələrin inkişaf etdirilməsinin Azərbaycanın xarici siyasətinin prioritet istiqamətlərindən biri olduğunu vurğuladığı qeyd edilib. Diqqətə çatdırılıb ki, Azərbaycanın dövlət başçısı Bakının Əl-Əzhər ilə birlikdə dini liderlərin növbəti görüşünün COP29 çərçivəsində keçirilməsi təşəbbüsü ilə çıxış etdiyini bildirib.

Misir və ərəb ölkələri ictimaiyyətinin diqqətinə çatdırılıb ki, Əl-Əzhəri Şərifin şeyxi, böyük imam Əhməd Məhəmməd Əhməd Əl Tayyib Misirlə Azərbaycan arasında əlaqələrin çox yaxşı səviyyədə olduğunu qeyd edib. O, Azərbaycanın ərazi bütövlüyünün və suverenliyinin tam təmin edilməsindən məmnunluğunu bildirib və COP29-a dəvətə görə Azərbaycan Prezidentinə təşəkkür edərək bildirib ki, bu tədbirdə məmnunluqla iştirak edəcək. Əl-Əzhəri Şərifin şeyxi Bakıda dünya dini liderlərinin II Sammitinin keçirildiyini xatırladaraq, Azərbaycanın İslam həmrəyliyinə verdiyi töhfəyə görə Prezident İlham Əliyevə şəxsən təşəkkürünü bildirib, həmçinin COP29 çərçivəsində də dini liderlərin toplantısının keçirilməsi üçün birgə işlərin aparıldığını qeyd edib.




Baxış sayı: 155
Elçin Əmirbəyov: Zəngəzur dəhlizi münasibətlərin yaxşılaşdırılması və Cənubi Qafqazın möhkəmlənməsinin açarıdır Dünən, 17:30 "Bu, Azərbaycanın uzunmüddətli və ardıcıl mövqeyidir, Ermənistan tərəfi də bunu yaxşı bilir" - Nazir Dünən, 15:00 Azərbaycan və Türkiyə müdafiə nazirləri hərbi əməkdaşlığın cari vəziyyətini müzakirə ediblər Dünən, 12:30 Ersin Tatar: Bütün türk ölkələrinin Şimali Kipr ilə əlaqələrdə Türkiyədən nümunə götürəcəyinə ümid edirik Dünən, 12:00 Bağanıs Ayrımda erməni hərbçilərin yandıraraq qətlə yetirdikləri 39 günlük körpə ilə bağlı videomateriallar məhkəmədə nümayiş etdirilib Dünən, 08:30 “Star” qəzeti: Fransa və bir sıra digər ölkələr Ermənistanda revanşist ruhiyyəni gücləndirir 11-04-2025, 20:30 Güləşçimiz ermənistanlı rəqibini məğlub edərək finala çıxdı 11-04-2025, 20:30 Antalya şəhərində Antalya Diplomatiya Forumunun açılış mərasimi keçirilib Prezident İlham Əliyev tədbirdə iştirak edib 11-04-2025, 19:00 Üzeyir Hacıbəylinin 140 illik yubileyi çərçivəsində növbəti tədbir keçirilib 11-04-2025, 17:00 ADA University-hosted International Policy Forum in Khankendi and Baku in spotlight of Hungarian media 11-04-2025, 16:00 Misirli tədqiqatçı: ADA forumu yeni beynəlxalq sistemin konturlarını və təsirlərini anlamaq üçün mühümdür 11-04-2025, 11:00 Ölkə ərazisində faktiki hava durumu 11-04-2025, 11:00 "Azərbaycan mühüm beynəlxalq tədbirlərin keçirildiyi məkana çevrilib" 11-04-2025, 11:00 Vatikanda Qafqaz Albaniyası irsinə həsr edilən elmi konfrans keçirilib 11-04-2025, 09:30 Qarabağ Universitetində ikigünlük beynəlxalq konfrans işə başlayıb 11-04-2025, 09:30 Türk coğrafiyasının genişlənməsi regionda və dünyada sabitliyə töhfə verər 10-04-2025, 20:00 Ankarada Türk dünyasının qeyri-hökumət təşkilatlarının əməkdaşlıq yolları müzakirə olunub 10-04-2025, 19:30 Donald Tramp: Birləşmiş Ştatlar Azərbaycanın suverenliyinin, müstəqilliyinin və ərazi bütövlüyünün sarsılmaz dəstəkçisi olaraq qalır 10-04-2025, 19:30 Azerbaijan relocates 39 more families to Sarijali village of Aghdam district 10-04-2025, 15:30 Melikset Paşayan Azərbaycanın vaxtilə işğal altında olmuş ərazilərində qanunsuz hərbi xidmət keçdiyini etiraf edib 10-04-2025, 15:30 Qərbi azərbaycanlı qadınların müraciəti BMT-nin Baş Assambleyasının rəsmi sənədi kimi yayılıb 10-04-2025, 14:00 Türkiyə və Şimali Kipr Türk Cümhuriyyəti mediası Prezident İlham Əliyevin ADA Universitetindəki çıxışını geniş işıqlandırıb 10-04-2025, 10:30 Böyük Qayıdış: Ağdam rayonunun Sarıcalı kəndinə növbəti köç karvanı yola salınıb 10-04-2025, 10:30 Qəbələ - Xankəndi ultramarafonuna start verilib 10-04-2025, 10:00 Azərbaycan Ordusunun mövqeləri Tovuzqala istiqamətindən atəşə tutulub 10-04-2025, 09:00 “Milli yaddaşın suverenliyə çağırışı - soyqırımı və Qərbi Azərbaycan həqiqətləri” mövzusunda tədbir keçirilib 9-04-2025, 21:00 Belçikada Azərbaycan-Ermənistan münasibətlərinə dair qərəzli qətnamə layihəsi ilə əlaqədar dinləmələr keçirilib 9-04-2025, 19:00 Daimi diplomatik xidmətə qəbul olunmuş əməkdaşların ilk andiçmə mərasimi keçirilib 9-04-2025, 17:30 Kəmaləddin Heydərov “Böhranların və fövqəladə halların idarə edilməsi üzrə Dünya Sammiti”ndə iştirak edib 9-04-2025, 15:30 Prezident İlham Əliyev: "Biz bütün qonşularımızla, o cümlədən İranla yaxşı münasibətlərə malik olmaq istəyirik" 9-04-2025, 14:00
Köşə yazarları
Təqvim
«    Aprel 2025    »
BeÇaÇCaCŞB
 123456
78910111213
14151617181920
21222324252627
282930