1 iyun -  Uşaqların Beynəlxalq Müdafiəsi Günüdür! Bu münasibətilə bütün balaları, onların simasında Avtandil , Əsma, Gülər, Gövhər balamızı ürəkdən təbrik edirəm! Hər zaman xoşbəxt, ağıllı,nümunəvi övladlar olsunlar. Sevinciniz daim gözlərinizdən oxunsun. Nə gözəl ki, sizin kimi övladlar var bu dünyada. Dünya sizinlə gözəldir!

Ətirli, gül-çiçəkdi, yazdı, bahardı uşaq.

Dodaqda bal kimidir, budaqda bardı uşaq.

Günəşin zərrələri,yazın yağışıdır o,

Gözümüzün işığı,ərzin naxışıdır o.

Uşaq tək əzizlənən silahlar uşaq deyil.

Dünya ilə oynama,dünya oyuncaq deyil.

Əsək uşağın üstdə, kəsək yolunu şərin,

Uşaq səsindən gözəl, nəyi var ki, bəşərin!?

Kini, küdurəti yox,vicdanı dümağ gəlir,

Dünya ayağa qalxsın,dünyaya uşaq gəlir!

Uşaq gəlmir bu qoca dünyaya daş atmağa,

Uşaq gəlir bu qoca ,dünyanı yaşatmağa.

  

Bəyaz Ağazadə