28 May Azərbaycan Respublikasının Müstəqillik Günü Şanlı tariximizə qızıl hərflərlə həkk olunmuş hər bir Azərbaycan vətəndaşının qürur mənbəyi olan bir gündür. 1918 -ci il mayın 28 -də mürəkkəb siyasi hərbi - şəraitdə əsarət altında yaşayan tarixi ,mədəniyyəti ,dili,dini sıxışdırılan Azərbaycan xalqı özünün və şərqin ilk demokratik, hüquqi, dünyəvi və parlamentli respublikasını yaradıb.

Müstəqil ,azad ,demokratik respublika qurmaq məqsədini qarşıya qoyan Azərbaycan Xalqı Cumhuriyyəti cəmi 23 aylıq fəaliyyəti dövründə xalqın milli mənlik şürunun özünə qaytarır ,onun öz müqəddəratını təyin etməyə qadir olduğunu nümayiş etdirir. Cumhuriyyətin ömrü uzun olmuşdu qısa bir müddət ərzində çox böyük işlər görə bilib. Bu qısa dövrdə dövlət bayrağı, dövlət himni və gerbi, Azərbaycan vətəndaşlığı təsis edilib, milli ordu yaradılıb.

Tariximizin yeni inkişaf mərhələsi,Azərbaycan xalqı müstəqilliyin sevinci yalnız 1993-cü ildə Ulu Öndər Heydər Əliyevin hakimiyyətə qaydışından sonra yaşamağa başladı .Ümummilli Lider Azərbaycan dövlətçiliyinin qorunması üçün qətiyyətli tədbirlər gördü,ölkədə davamlı ictimai-siyasi sabitliyi bərqarar etdi . Dahi şəxsiyyət Heydər Əliyev dövlətimizin və dövlətçiliyimizin xilaskarı oldu. 

Bu gün Azərbaycan dövlət başçısı İlham Əliyevin rəhbərliyi ilə məhz 1993-2003-cü illərdə Ümummilli Liderin yaratdığı möhkəm təməl üzərində ən yüksək zirvələri fəth edir, Zəfərlərə imza atır. Cənab İlham Əliyevin "Bu gün müstəqillik bizim üçün ən böyük sərvətdir,ən böyük nemətdir, ən böyük xoşbəxtlikdir. Biz bundan sonra da müstəqillik və qələbələr yolu ilə gedəcəyik. 

Hazırda müasir müstəqil, qalib Azərbaycan təkmil inkişaf və dirçəliş modeli ilə dünyanın diqqətindədir. Azərbaycan Prezidenti İlham Əliyevin rəhbərliyi ilə müstəqilliyimiz daha da əbədi, daha da dönməz olacaq.

Əmirağa Eyyubov