14-5-2025 23:10
FACT-INFO.AZ » XƏBƏR » Ulu öndər Heydər Əliyevin anadan olmasının 101-ci ildönümüdür
10-05-2024, 07:30 | XƏBƏR
Ulu öndər Heydər Əliyevin anadan olmasının 101-ci ildönümüdür

Bu gün Azərbaycan xalqının ümummilli lideri Heydər Əliyevin doğum günüdür.

Heydər Əlirza oğlu Əliyev 1923-cü il mayın 10-da Azərbaycan Respublikasının Naxçıvan şəhərində anadan olub.

1939-cu ildə Naxçıvan Pedaqoji Texnikumunu bitirdikdən sonra Azərbaycan Sənaye İnstitutunun (indiki Azərbaycan Dövlət Neft və Sənaye Universiteti) memarlıq fakültəsinə daxil olub, lakin İkinci Dünya müharibəsinin başlanması ona təhsilini başa çatdırmağa imkan verməyib.

Heydər Əliyev 1941-1944-cü illərdə əvvəlcə Naxçıvan Muxtar Respublikası Xalq Daxili İşlər Komissarlığında arxiv şöbəsinin məxfi hissəsinin müdiri, sonra isə Naxçıvan MSSR Xalq Komissarları Sovetində ümumi şöbənin müdiri vəzifələrində işləyib.

1944-cü ilin may ayında dövlət təhlükəsizliyi orqanlarında işə göndərilib.

1949-1950-ci illərdə SSRİ Dövlət Təhlükəsizliyi Komitəsinin Leninqraddakı (indiki Sankt-Peterburq) Rəhbər Kadrların Hazırlığı Məktəbində təhsil aldıqdan sonra, 1950-ci ildə Azərbaycan SSR Dövlət Təhlükəsizliyi Komitəsində bölmə rəisi təyin edilib.

1957-ci ildə Azərbaycan Dövlət Universitetinin (indiki Bakı Dövlət Universiteti) tarix fakültəsinin qiyabi şöbəsini bitirib.

1958-ci ildə Azərbaycan SSR Dövlət Təhlükəsizliyi Komitəsinin əks-kəşfiyyat şöbəsinin rəisi, 1964-cü ildə DTK-nın sədr müavini təyin edilib.

1966-cı ildə Moskvada DTK-nın F. E. Dzerjinski adına Ali Məktəbinin rəhbər heyətin təkmilləşdirilməsi kurslarını müvəffəqiyyətlə bitirib.

1967-ci ildə Azərbaycan SSR Nazirlər Soveti yanında Dövlət Təhlükəsizliyi Komitəsinin sədri vəzifəsinə təyin edilib və həmin ildə də ona general-mayor rütbəsi verilib.

Azərbaycan Kommunist Partiyası Mərkəzi Komitəsinin 1969-cu il iyulun 14-də keçirilmiş plenumunda Heydər Əliyev Azərbaycan Kommunist Partiyası Mərkəzi Komitəsinin birinci katibi seçilib.

Heydər Əliyev 22 il Azərbaycan SSR Ali Sovetinin və SSRİ Ali Sovetinin deputatı olub. 1974-1979-cu illərdə isə SSRİ Ali Soveti İttifaq Sovetinin sədr müavini vəzifəsini tutub.

1976-cı ildə Sovet İttifaqı Kommunist Partiyası Mərkəzi Komitəsinin Siyasi Bürosunun üzvlüyünə namizəd, 1982-ci ilin dekabrında isə Siyasi Büronun üzvü seçilən Heydər Əliyev SSRİ Nazirlər Soveti sədrinin birinci müavini vəzifəsinə təyin edilib. Bu vəzifədə işləyərkən Heydər Əliyev SSRİ-nin iqtisadi, sosial və mədəni həyatının ən mühüm sahələrinə rəhbərlik edib.

Heydər Əliyev 1987-ci ilin oktyabrında Sovet İttifaqı Kommunist Partiyası Mərkəzi Komitəsi Siyasi Bürosunun və şəxsən baş katib Mixail Qorbaçovun yeritdiyi siyasi xəttə etiraz olaraq tutduğu vəzifələrdən istefa verib.

Heydər Əliyev 1990-cı il yanvarın 19-dan 20-nə keçən gecə sovet qoşunlarının Bakıda törətdiyi qanlı faciə ilə əlaqədar, yanvarın 21-də Azərbaycanın Moskvadakı nümayəndəliyində bəyanatla çıxış edərək, Azərbaycan xalqına qarşı törədilmiş cinayətin təşkilatçıları və icraçılarının cəzalandırılmasını tələb edib. O, Dağlıq Qarabağda yaranmış kəskin münaqişəli vəziyyətlə bağlı SSRİ rəhbərliyinin ikiüzlü siyasətinə etiraz əlaməti olaraq, 1991-ci ilin iyulunda Sovet İttifaqı Kommunist Partiyasının sıralarını tərk edib.

1990-cı il iyulun 20-də Bakıya qayıdan Heydər Əliyev iki gün sonra Naxçıvana yola düşüb, həmin ildə də Azərbaycan SSR xalq deputatı və Naxçıvan MSSR xalq deputatı seçilib.

1991-ci il sentyabrın 3-də Heydər Əliyev Naxçıvan Muxtar Respublikası Ali Sovetinin sədri seçilib və müvafiq qanunvericiliyə əsasən həm də Azərbaycan Respublikası Ali Soveti sədrinin müavini olub. Bu vəzifədə o, 1993-cü ilə kimi çalışıb.

Heydər Əliyev 1992-ci il noyabrın 21-də Yeni Azərbaycan Partiyasının Naxçıvan şəhərində keçirilmiş təsis konfransında partiyanın sədri seçilib.

1993-cü ilin may-iyun aylarında ölkədə vətəndaş müharibəsi və müstəqilliyin itirilməsi təhlükəsi yarandığına görə, Azərbaycan xalqı Heydər Əliyevin hakimiyyətə gətirilməsi tələbini irəli sürüb və ölkənin o dövrkü rəhbərliyi onu Bakıya dəvət etməyə məcbur olub.

Heydər Əliyev 1993-cü il iyunun 15-də Azərbaycan Respublikası Ali Sovetinin sədri seçilib, iyunun 24-dən isə Azərbaycan Respublikası Prezidentinin səlahiyyətlərini həyata keçirməyə başlayıb.

1993-cü il oktyabrın 3-də ümumxalq səsverməsi nəticəsində Heydər Əliyev Azərbaycan Respublikasının Prezidenti seçilib.

O, 1998-ci il oktyabrın 11-də xalqın yüksək fəallığı şəraitində keçirilən seçkilərdə səslərin 76,1 faizini toplayaraq, yenidən Azərbaycan Respublikasının Prezidenti seçilib.

2003-cü il oktyabrın 15-də keçirilən prezident seçkilərində namizədliyinin irəli sürülməsinə razılıq vermiş Heydər Əliyev səhhətində yaranmış problemlərlə əlaqədar namizədliyini İlham Əliyevin xeyrinə geri götürüb.

2003-cü il dekabrın 12-də Azərbaycan xalqının ümummilli lideri Heydər Əliyev Amerika Birləşmiş Ştatlarının Klivlend Klinikasında vəfat edib və dekabrın 15-də Bakıda, Fəxri xiyabanda dəfn olunub.





Baxış sayı: 95
Ərdoğan: Türkiyə tarixində terrorizm və zorakılıq dövrü arxada Dünən, 21:00 Ombudsman İƏT iclasında əhalinin həssas qruplarının hüquqlarının müdafiəsi ilə bağlı görülən işlərdən bəhs edib Dünən, 20:00 Pakistani PM thanks Azerbaijan for solidarity and support Dünən, 17:30 Qarabağın azad edilməsi regionların inkişafına yeni təkan verib Dünən, 14:00 Azadlıqda qalmış Xocalı qatilləri yenidən fəallaşır Dünən, 13:00 Azad olunmuş üç rayonda qara və əlvan metalların geoloji axtarışları aparılacaq Dünən, 10:30 Bolqarıstanda “Azərbaycanın işğaldan azad edilmiş ərazilərində humanitar təhdid və çağırışlar” mövzusunda dəyirmi masa keçirilib Dünən, 10:00 Rusiya-Ukrayna danışıqları üçün İstanbulun seçilməsinin səbəbləri məlum olub Dünən, 09:30 Azərbaycan Ordusunun mövqeləri müxtəlif istiqamətlərdən atəşə tutulub Dünən, 09:30 İran Prezidenti: Prinsiplərdən geri çəkilməyəcəyik, amma gərginlik istəmirik Dünən, 07:30 Azərbaycan hərbçiləri “Anatolian Phoenix - 2025" beynəlxalq təlimində iştirak edirlər 13-05-2025, 19:30 Ruben Vardanyanın barəsində məhkəmə prosesi davam etdirilib 13-05-2025, 19:00 Rome hosts "National Identity, Resistance, and Sovereignty: Prospects for Corsica" conference 13-05-2025, 18:00 Продолжился судебный процесс над Рубеном Варданяном 13-05-2025, 17:30 Şamil Ayrım: PKK-nın özünü buraxdığını elan etməsi ilə Türkiyənin 50 illik terror bəlası sona çatdı 13-05-2025, 16:30 Kremlin sözçüsü: Rusiya İstanbulda Ukrayna ilə bağlı danışıqlara hazırlaşır 13-05-2025, 14:30 IX “Muğam” Televiziya Müsabiqəsi 13-05-2025, 12:30 Prezident İlham Əliyev Türkiyə Milli Təhlükəsizlik Şurasının Baş katibini qəbul edib 13-05-2025, 11:30 Özbəkistan və Azərbaycan müdafiə sənayesi sahəsində əməkdaşlığı müzakirə edib 13-05-2025, 10:30 Ermənistan ordusu tərəfindən Başlıbel kəndinin əhalisinin məhv edilməsinin şahidi olan şəxslər məhkəmədə ifadə veriblər 13-05-2025, 08:00 Azərbaycan Prezidenti Türkiyəni PKK-nın özünü ləğv etməsi münasibətilə təbrik edib 12-05-2025, 20:00 Başlıbel faciəsinin şahidi: Ermənistan ordusunun hərbçiləri mülki əhalini görən kimi heç bir sual vermədən öldürürdülər 12-05-2025, 19:30 Azərbaycan mədəni irsi Aşqabadda beynəlxalq festivalda təqdim olunub 12-05-2025, 17:30 Şəxsiyyətləri tarix yaratmır, şəxsiyyətlər tarixi yaradır 12-05-2025, 16:00 Zərərçəkmiş: Ermənistan silahlı qüvvələri mülki şəxsləri mühasirəyə salıb məhv etdilər 12-05-2025, 16:00 Ulu Öndərin xatirəsinə həsr olunmuş “Nə? Harada? Nə zaman?” intellektual oyununun final mərhələsi keçirilib 12-05-2025, 16:00 Azərbaycan Ordusunda kibertəhlükəsizliyə və dövlət sirrinin mühafizəsinə dair tədbirlər keçirilir 12-05-2025, 12:30 Yaşar Gülər Azərbaycana gəlir 12-05-2025, 12:00 PKK terror təşkilatı ləğv olunur 12-05-2025, 10:30 Şəhidlərimizə həsr olunan “Qəhrəmanlıq tariximiz: nəsillərə örnəkdir” adlı kitab nəşr olunacaq 12-05-2025, 10:00
Köşə yazarları
Təqvim
«    May 2025    »
BeÇaÇCaCŞB
 1234
567891011
12131415161718
19202122232425
262728293031