Bu gün Rusiya bizim qarşımızda və həmçinin yanımızda deyil. Yaxın gələcəkdə vəziyyət dəyişə bilər, Rusiya öz əyaləti kimi baxdığı bu ölkə ilə münasibətləri normallaşdırar. O baxımdan Ermənistan Rusiya qarşıdırmasında mütləq məsafə saxlamaq lazımdır. Bu gün coşan, ermənilərə barmaq silkələyən Rusiyanın ənənəvi siyasətini yaxşı bilirik.

Danılmaz tarixi faktdır ki, bu regiona erməniləri Rusiya gətirib. Azərbaycan torpaqlarında onlara dövlət yaradıb. Azərbaycana qarşı bir təzyiq vasitəsi kimi istifadə edib. Belə baxanda da ermənilər kimdir öz ağalarına təpik atsın. Amma bu gün dünyanın siyası arxitekturası dəyişir. Bu proseslərdə Ermənistandan alət kimi istifadə edən qüvvələr var. Aydın məsələdir ki, bu işin arxasında Qərbin strateji planları, bizim bilmədiyimiz qüvvələrin gizli hədəfləri durur.

Ermənistan Rusiyaya qarşı psixoloji müharibə cəbhəsi açmaqla Moskvanın əsəblərini tarıma çəkmək, onu Ukrayna müharibəsindən qisməndə olsa yayındırmaq istəyir. Etsinlər, bir-birlərini çarmıxa çəksinlər. Əsla bizi narahat etməməlidir. Azərbaycanın hədəfi qazandığı tarixi zəfəri qorumaqla, qardaş Türkiyə ilə birlikdə qarşıya qoyduğu strateji hədəflərə çatmaq olmalıdır.

Diqqətlə nəzərdən keçirəndə bir daha əmin olmaq olar ki, həmin strateji hədəflər, nəhəng layihələr regiona Azərbaycanın milli maraqları çərçivəsində sabitlik, inkişaf gətirər.

Əgər Ermənistan da ağıllanıb Azərbaycanla sülh müqaviləsi imzalayarsa bu layihələrdən faydalanar. Yox əgər çox konfiqurasiyalı gedişlərlər edəcəksə, situativ siyasət həyata keçirəcəksə o zaman Ermənistanın aqibəti bəlli olacaq. Əlqərəz, Cənubi Qafqazla bağlı ciddi proseslərə, bəzən sürprizlərə hazır olmalıyıq.