Azərbaycanlı fotoqraf Cənubi Koreyanın Yeonguol şəhərində keçirilən “DongGang-2023” beynəlxalq fotofestivalında ölkəmizi təmsil edir.
Diasporla İş üzrə Dövlət Komitəsindən Fact-info.az-a bildirilib ki, dünyanın müxtəlif ölkələrindən “DongGang-2023” beynəlxalq fotofestivalında iştirak etmək üçün çoxsaylı müraciətlər daxil olsa da, festivalda yalnız xüsusi istedada malik 19 fotoqrafın fotoları sərgilənir. Onların sırasında Türkiyədə yaşayan azərbaycanlı fotoqraf Nurlan Tahirli də var. Soydaşımızın Şuşada lentə aldığı “Natəvanın sarayında panoramik pəncərələrdən mənzərə” və “Üzeyir Hacıbəylinin güllələnmiş heykəli” fotoları sərgidə nümayiş olunur.
Hər il fərqli mövzularda keçirilən festivalın budəfəki mövzusu “Sehrli naməlumlar”dır (The Magical Unknowns). Fotolar “DongGang” Fotoqrafiya Muzeyinin yaxınlığında açıq səma altında sərgilənir.
Festivalın iyunadək davam etməsi nəzərdə tutulur.
Xatırladaq ki, Azərbaycan şairi Mirzə Ələkbər Sabirin nəticəsi olan Nurlan Tahirli son illər müxtəlif beynəlxalq müsabiqələrdə laureat adını qazanıb, çoxsaylı diplom və mükafatlara layiq görülüb.
Baxış sayı: 75
US Secretary of State: TRIPP project is the anchor of a peace agreement between Armenia and Azerbaijan
119 more families relocated to Shukurbayli village get house keys
Call to Action addressing global housing crisis adopted in Baku
WUF13 panel discussion on “Innovative Partnerships and Solutions for Rapidly Urbanizing Countries of the Global South” concluded
Baku hosts first international event of Global South Youth Platform
