Görüşdə şairin yaradıcılığına nəzər salınıb, onun şeirləri səsləndirilib.

Şair, puplisist Əvəz Müəllim Hacıyevlə görüşdə  kitabxananın elmi işlər üzrə direktor müavini Yeganə Səfərova, kitabxananın kütləvi iş şöbəsinin müdiri Turqay Orucov, adı çəkilən qurumun digər əməkdaşları Vəsilə Cəfərova, Aytən Məmmədova və digər şəxslər çıxış ediblər.

Xatırladırıq ki, fəlsəfi baxışları, söz sənətinə fərqli yanaşmaları ilə tanınan, bir sıra kitabların müəllifi Əvəz Müəllim (Hacıyev Əvəz Dadaşxan oğlu) ilk şeirlərini orta məktəb illərindən yazmağa başlamışdır. Qəzet və jurnallardakı ədəbi fəaliyyəti əsasən 2000-ci ildən ardıcıl və davamlı olmuşdur. “Qələm” qəzetində “Elm, təhsil,incəsənət” üzrə şöbə müdirü işləmişdir. Müxtəlif qəzet və jurnallarda (“Yurd”,,”Beyrüs- Səfa”) publisistik yazıları və şeirləri çap olunmuşdur. Qarışıq janrlardan ibarət “Sənli günlərim” adlı kitabı çapdan çıxmış və oxucular tərəfindən rəğbətlə qarşılanmışdır.

Əvəz Müəllimin yaradıcılığında Təbriz önəmli yer tutur. Onun yaradıcılığı Vətən dərdinin dilində danışa bilir. Onun bütöv Azərbaycan ağrısı ənənəvi mövzunun bu günün dili ilə danışan obrazıdır.

Əvəz Müəllim «Təbriz küçələrində uyuyan Qaragilə» Rübabəni yada salır, sanki bu qədim həsrət dolu xalq mahnısını Ərdəbildən Təbrizəcən dinləyə-dinləyə gedirsən. Özü də göz yaşları altında. Yaxud ustad Şəhriyarın xatirəsinə həsr olunmuş «Xoşginabda keçən günlər», «Cənub həsrətli Novruz günləri», «Şahbani – yoxsa cani» esselərini də həyəcansız oxumaq mümkün deyil. Əvəz Müəllimin vətəndaşlıq qeyrəti ağır Qarabağ ağrılarının altında çiyinlərini bükmür. Bu ağrılara Şuşa-Təbriz yolu çəkir və inanır ki, bir gün Bakıdan iki yol birbaşa ayrıca maneəsiz sərhədsiz keçəcək. Biri Şuşaya, biri də Təbrizə. Eləcə də Təbrizdən Şuşayacan urəkdolusu sevinclə gələcəyi günü də uzaqda görmür.

ARAZ, HEY!

Başımıza od ələndi,

Araz üstə səpələndi , Dərd dərd üstə təpələndi,

Ürəklərdə qövr eyləyən yaram, hey!

Sazaq vurub açılmayan aram, hey!

Ulu yurdu bölən yarı,

Gec-tez gələr haqqa sarı,

Tərk eyləyər bu diyarı,

Sevincimiz onda olar payım, hey!

Üzə gəlib üzlənər haqq-sayım,hey

Ümidlərə sərhəd olan xan Araz,

Xannan səndə qalıbmı bir can, Araz?

Quruyuban, alışıban, yan Araz!

Dərd-möhnətdən sakit axan çayım hey!

Daşa dəyən harayım hey, hayım hey! Müəllimin arzuları səndədir,

Göz yaşları səninlə bir təndədir,

Biz bir olsaq düşmən bizdən gendədir,

Gümanlara qınaq olan Araz, hey!

Səngiməyən göz yaşları bəyaz,hey!

Fact-info.az