FACT-INFO.AZ » SİYASƏT » Deputat: Azərbaycanlı ekoloqlar Ermənistandan yataqlarımızın qeyri-leqal istismarına son qoyulmasını tələb edirlər
26-01-2023, 10:55 | SİYASƏT
Deputat: Azərbaycanlı ekoloqlar Ermənistandan yataqlarımızın qeyri-leqal istismarına son qoyulmasını tələb edirlər

 Bu fikirləri Azərbaycanın AŞPA-dakı nümayəndə heyətinin üzvü Sevinc Fətəliyeva qurumun sessiyasında “Silahlı münaqişələrin ətraf mühitə təsiri” adlı məruzənin müzakirələri zamanı çıxışında deyib.

Deputat bildirib ki, su qıtlığı ilə üzləşən ölkə kimi çirklənmənin qarşısını almaq və suya qənaət etmək prioritet məsələlərdən biridir. Qarabağ Azərbaycanın sıx su şəbəkəsinə malik rayonudur. Ermənistanın işğal illərində həmin ərazilərə nəzarəti Azərbaycanın su ehtiyatlarının mövcudluğuna və keyfiyyətinə təsir göstərərək, otuz il ərzində insanları su ehtiyatlarından istifadə hüququndan məhrum edib.

Azərbaycanlı deputat qeyd edib ki, erməni işğalı zamanı Azərbaycan ilə Ermənistan arasında olan əsas transsərhəd çayların ekoloji vəziyyətini qiymətləndirmək mümkün olmayıb. İşğal olunmuş ərazilər azad edildikdən sonra Ekologiya və Təbii Sərvətlər Nazirliyi tərəfindən su nümunələrinin fiziki-kimyəvi analizləri aparılıb. Monitorinqin nəticələrinə əsasən, bu çayların ağır metallarla həddindən artıq çirkləndiyi müəyyən edilib.

Vurğulanıb ki, xüsusilə də Oxçuçay Ermənistandakı mis-molibden emalı zavodlarının təmizlənməmiş sənaye suları, Qafan və Qacaranda əmələ gələn məişət tullantı suları ilə davamlı olaraq çirklənir. Oxçuçayın ciddi şəkildə çirklənməsi heyvan növlərinin kütləvi məhvinə səbəb olub.

Diqqətə çatdırılıb ki, 44 günlük müharibə zamanı Ermənistanın Azərbaycan ərazisinə atdığı mərmilər nəticəsində güclü partlayışlar və yanğınlar baş verib. Azərbaycanın cəbhədən uzaqda yerləşən milli parklarına (Ağgöl və Göygöl) ardıcıl raket hücumları ərazidəki yaşıllıqları, minlərlə bitki növünü və torpağın üst qatını məhv edib.

Ermənistan Silahlı Qüvvələri beynəlxalq səviyyədə qadağan olunmuş kaset bombalarından və ağ fosforlu mərmilərdən istifadə edib. Araşdırma zamanı Ermənistan silahlı qüvvələrinin bölmələri tərəfindən Füzuli rayonunun Babı və Alxanlı kəndləri ərazisinə tərkibində ağ fosfor olan 1 ədəd mərminin, Tərtər rayonunun Səhləbad kəndi ərazisinə isə 2 ədəd mərminin atıldığı müəyyən edilib.

“Bir aydan çoxdur ki, Azərbaycan ekologiya sahəsində fəaliyyət göstərən qeyri-hökumət təşkilatlarının nümayəndələrinin Şuşa şəhəri ərazisində aksiyası davam edir. Aksiyaçılar Ermənistan tərəfindən “Qızılbulaq” və “Dəmirli” yataqlarının qeyri-leqal istismarına və qanunsuz hasil edilən qızıl, mis və molibdenin ixracına son qoyulmasını tələb edirlər. Erməni separatçıları on illərdir ki, Azərbaycan ərazisindəki yataqları istismar edirlər. Lakin İkinci Qarabağ müharibəsindən sonra Ermənistan işğal etdiyi Azərbaycan ərazilərinin böyük hissəsini itirməklə xeyli gəlir gətirən yataqları da itirdi. Nəticədə “Qızılbulaq” və “Dəmirli” yataqlarının qanunsuz istismarını intensivləşdirdi.

Xüsusilə qeyd etmək lazımdır ki, bu yataqlardan qızıl və digər metalların çıxarılması yataqların erməni tərəfindən vəhşi üsullarla, heç bir ekoloji normalara riayət edilmədən həyata keçirilməsi torpağın və suyun çirklənməsinə, ətraf mühitə külli miqdarda ziyan vurub. Birinci Qarabağ müharibəsi başa çatandan sonrakı dövrdə obyektiv nəzarət vasitələrinin olmaması və işğal edilmiş ərazilərdəki təbii sərvətlərin oğurlanması ilə bağlı Azərbaycanın beynəlxalq ictimaiyyətə tutarlı sübutlar təqdim etmək imkanı yox idi. İkinci Qarabağ müharibəsi başa çatdıqdan və işğal olunmuş ərazilər azad edildikdən sonra Azərbaycan hakimiyyəti bu yataqlarda aparılan qeyri-qanuni işlərin miqyasını real vaxt rejimində və əyani olaraq qiymətləndirə, habelə xaricə ixrac edilən süxurların həcmini hesablaya bildi”, - deyə S.Fətəliyeva vurğulayıb.




Baxış sayı: 313
Fon der Lyayen: Avropa Ukrayna ilə bağlı sülh danışıqlarında iştirak edəcək Bu gün, 10:30 Azərbaycan filmi Haaqa Beynəlxalq Film Festivalının qalibi olub Bu gün, 09:30 Prezidentin Mətbuat Xidmətinin məlumatı Bu gün, 08:00 Vətən Müharibəsi Qəhrəmanı Zaur Nudirəliyevin xatirəsi anılıb Bu gün, 08:00 Azərbaycan Avropanın enerji təhlükəsizliyinə və inkişaf gündəliyinə töhfə verən mühüm tərəfdaşdır Dünən, 17:00 “The Wall Street Journal”: İran müharibəyə rəğmən 2500-ə qədər raketə malikdir Dünən, 17:00 Prezident İlham Əliyev Mahmud Abbası təbrik edib Dünən, 16:30 “Keçmişdən sabaha yol kəlağayı” kitabı oxuculara təqdim olunub Dünən, 13:30 Yol polisi küləkli hava şəraiti ilə bağlı sürücülərə müraciət edib 14-11-2026, 18:00 Azərbaycan–Birləşmiş Krallıq əlaqələri: Etibarlı münasibətlərdən strateji tərəfdaşlığa 14-11-2026, 16:30 “Sabirin sözü, zamanın gözü” kitabının təqdimatı reallaşıb 14-11-2026, 16:30 Tələbələrin fotolarını süni intellektlə montaj edərək hədə-qorxu ilə pul tələb edən şəxs saxlanılıb 13-11-2026, 19:30 COP31-də növbəti tematik gün maliyyə və ticarət məsələlərinə həsr olunub 13-11-2026, 14:30 Media və Yayım Şurası açıqlama yayıb 13-11-2026, 14:30 Azərbaycan Prezidenti İlham Əliyev Dublində Böyük Britaniyanın Baş naziri ilə görüşüb 13-11-2026, 12:30 Qarabağ təbiətinin şəfa mənbəyi 13-11-2026, 11:30 Baş prokuror Binəqədi rayonunda vətəndaşların müraciətlərini dinləyəcək 13-11-2026, 11:30 Bakıda “Eternity-2026” təliminin açılışı olub 13-11-2026, 11:30 Prezident İlham Əliyev “Avropa Siyasi Birliyi”nin 9-cu Zirvə Toplantısı çərçivəsində dəyirmi masada iştirak edib 13-11-2026, 09:30 Bir əsrin işığında türkologiya 12-11-2026, 19:00 “Azercell” Gəncə və Xankəndidə 100 müəllimin süni intellekt bacarıqlarını inkişaf etdirib 12-11-2026, 18:30 12 noyabr – Konstitusiya Günü 12-11-2026, 18:30 Prezident İlham Əliyev “Avropa Siyasi Birliyi”nin 9-cu Zirvə Toplantısının açılış plenar sessiyasında iştirak edib 12-11-2026, 18:30 Prezident İlham Əliyev Dublində Volodimir Zelenski ilə görüşüb 12-11-2026, 16:00 Qərbi Azərbaycana həsr olunmuş kitab əcnəbi dildə nəşr edilib 12-11-2026, 11:00 Azərbaycanın təşəbbüsü ilə irəli sürülmüş itkin düşmüş şəxslərlə bağlı qətnamə BMT-nin Komitəsində qəbul edilib 12-11-2026, 10:00 “IRS-Naslediye” jurnalının yeni nömrəsi işıq üzü görüb 12-11-2026, 10:00 Birinci vitse-prezident Mehriban Əliyeva Konstitusiya Günü ilə bağlı paylaşım edib 12-11-2026, 09:30 G7 ölkələrinin XİN rəhbərləri Ukraynaya uzaqmənzilli silahların tədarükünü müzakirə ediblər 12-11-2026, 09:30 Mədəni və yaradıcı sənaye sahəsində qrant müsabiqəsi elan edilib 11-11-2026, 21:00
Köşə yazarları
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30