Qərbi Azərbaycan İcmasının üzvü, bir sıra kitabların müəllifi Nəsibov Lütfiyar Qulu oğlu Basarkeçər bölgəsində ermənilər tərəfdən Azərbaycanın intellektual mülkiyyətinə vurulan zərbə ilə bağlı Fact-info.az-a fikirlərini açıqlayıb: “Məlum məsələdir ki, Qərbi Azərbaycanda, bizim tarixi torpaqlarımızda ermənilər XIX əsrin əvvəllərində məskunlaşdıqdan sonra yerli xalq olan azərbaycanlıları zaman-zaman sıxışdırmağa çalışıblar. XX əsrdə bu proses daha sürətlə və amansızlıqla aparılıb. Bizim həm  tanınmış simalarımız, ziyalılarımız, həm də maddi-mədəni resurslarımız təcavüzə məruz qalıb. Basarkeçər rayonun Sədənağac kəndinin sakini  mənim babam Hacıyev Yusif Bağır oğlu  dövrünün tanınmış ziyalılarından biri olmaqla yanaşı, ermənilərin hücumlarından qorunmaq məqsədilə yaradılam müdafiə qoşunun komandiri olub. 1936-cı ildə Ermənistanda konstitusiya  dəyişikliyi  olub. Həmin dəyişiklik nəticəsində orada yaşayan Azərbaycan türkləri konstitusiya görə, türk deyil azərbaycanlı adlandırılırb. Sovet rejimi, o cümlədən Ermənistan rəhbərliyi türk sözündən qorxurdu. Ona görə, türk sözü əvəzinə azərbaycanlı yazılıb. Buna kəskin etiraz edən babam  Hacıyev Yusif Bağır oğlu həbs edilir. O, cəza maşınının bütün işgəncələrindən sonra birdəfəlik yoxa çıxır. Ailə üzvlərimiz həmin vaxt bir çox yerlərə müraciət etsələr də nəticəsi olmur. Bəzən deyiblər Dərbəndə həbsxanadadır, Sibirə sürgün edilib. Əlqərəz əlaqə kəsilir, biz onu tapa bilmirik.

Nəsibov Lütfiyar  onu da əlavə etdi ki,  sovet hökuməti etiraz edən bir fəal ziyalını, mənim babamı birdəfəlik gedər-gəlməzə yola salıb. Bu gün biz bilmirik onun qəbri  haradadır.  Digər bir repressiya qurbanı, Basarkeçər rayonun Sədənağac kəndinin sakini Yekə Vəli Kəlbəlayı Məhəmməd oğlu bölgənin tanınmış simalarından olub. O da babam kimi eyni maddələrlə həbs olunur və gedər-gəlməzə göndərilir. Təəssüf ki, o zaman Ermənistan hökuməti Qərbi Azərbaycanda sayılıb-seçilən ziyalılarımıza qarşı eyni münasibəti, repressiyanı tətbiq edirdi. 

Fact-info.az