Ermənistan konstitusiya dəyişikliyi ilə bağlı referendum keçirəcəyi haqqında erməni mediasında bəzi məlumatlar yayılmışdı. Bu informasiyaların yayılması cəmiyyətin nəbzini yoxlamaq məqsədi daşıyır, yoxsa baş nazır N. Paşinyan anlayır ki, Azərbaycanla sülh müqaviləsi imzalamaq üçün bu dəyişiklik qaçılmazdır? Bu suallara cavab tapmaq çətindir.

Müxtəlif  formada manevr  siyasəti həyata keçirən, sürüşkən mövqeyli  N. Paşinyana inanmaq mümkün deyil. O, dünyada, regionda gedən geopolitik vəziyyətin dəyişəcəyinə və Ermənistan üçün əlverişli şəraitin yaranacağına ümid edirdi.  Nikol bu ümidlərin doğrulmadığını görərərək konstitusiya dəyişikliyi ilə bağlı çıxışlar etdi. Onun nə qədər öz sözünə sadiq qaldığını zaman göstərəcək.

Gerçəkdən Ermənistan həm Azərbaycanla, həm də qardaş Türkiyə ilə bütün sferalarda əməkdaşlıq üçün əsassız torpaq iddialarından əl çəkməlidir. Ona görə, konstitusiya dəyişikliyi etməlidir. Amma maraqlı məqam ondan ibarətdir ki, uzun illər öz siyasətini kilsələrdə formalaşdıran, işğalçı, dağıdıcı təfəkkürdə olan ermənilər Azərbaycana və Türkiyəyə qarşı irəli sürdükləri əsassız torpaq iddialarından əl çəkə biləcəklərmi? 

Təəssüf  reallıq onun göstərir ki, bu toplum  qarşlıqlı əməkdaşlığa, normal qonşuluq prinsiplərinə və ümumilikdə sülhə hazır deyil. Amma Ermənistanla Azərbaycan arasında sülh müqaviləsinin uzanması və yaxud heç imzalanmaması bizi məyus etməməlidir. Buna görə, ermənilər narahat olmalıdır. İki türk dövlətinin arasında qalan kiçik bir toplum, heç bir əməkdaşlıq etmədən necə inkişaf edə bilər. Ara-sıra bəzi hərəkətləri ilə Ermənistanı cəsarətləndirən, ona vədlər verən Qərblə deyil, aqrar ölkə olan Ermənistan  Azərbaycanla və Türkiyə ilə əməkdaşlığa çalışmalıdır. Belə əməkdaşlıq yalnız konstitusiya dəyişikliyindən, Azərbaycanla sülh müqaviləsi imzalandıqdan sonra mümkün ola bilər.

Azərbaycan torpaq bütünlüyünü bərpa edib, tarixi qələbə qazanıb, yüksək səviyyədə prezident seçkisi keçirib. İndi fundamental islahatlar zamanıdır.   Deməli, Ermənistan sülh haqqında daha çox düşünməlidir. Nəinki biz.

Əkrəm Bəydəmirli